आश्विन ७ गते, २०८० मा प्रकाशित
काठमाडौं । चीन भ्रमणमा रहनु भएका प्रधानमन्त्री पुष्पकमल दाहाल आइतबार चिनियाँ राजधानी बेइजिङ जाँदै हुनुहुन्छ ।
न्युयोर्कबाट बनिबार बिहान चीनको हाङचउ पुग्नुभएका प्रधानमन्त्री दाहालले ह्याङचउमै शनिबार चिनियाँ राष्ट्रपति सी चिनफिङसँग भेटवार्ता गर्नुभएको थियो । प्रधानमन्त्री दाहाल आइतबार बिहान ९ बजे ह्याङचउबाट बेइजिङका लागि प्रस्थान गर्ने कार्यक्रम रहेको छ ।
बेइजिङ पुगेपछि अपराह्न ४ बजे नेपाल–चीन बिजनेस समिटमा सहभागी हुने कार्यक्रम रहेको छ । समिटमा चीनका उच्चस्तरीय अधिकारीहरु र नेपाली उद्योगी व्यवसायीहरु सहभागी हुनेछन् । साँझ ६ बजे बेइजिङस्थित नेपाली राजदूतावासले दिने रात्रीभोजमा प्रधानमन्त्री दाहाल सहभागी हुनुहुनेछ ।
प्रधानमन्त्री दाहाल र चिनियाँ प्रधानमन्त्री ली छ्याङबीच सोमबार दुई पक्षीय वार्ता हुने कार्यक्रम रहेको छ ।
अन्य समाचारहरु
