आश्विन २७ गते, २०८० मा प्रकाशित
केशबराज ज्ञवाली / तस्विर -दीपेन्द्र पौडेल
अर्घाखाँची – नेपाली कांग्रेसको जिल्लास्तरीय बृहत् कार्यकर्ता प्रशिक्षण कार्यक्रम सन्धिखर्कमा सम्पन्न भएको छ । आफ्ना नेता, कार्यकर्ता , निर्वाचित जनप्रतिनिधिहरुमा उर्जा प्रवाह गर्दै पार्टिको संगठन थप बलियो र चलायमान गराउन काङ्ग्रेस अर्घाखाँची प्रशिक्षण बिभागको आयोजनामा प्रशिक्षण कार्यक्रमको आयोजना गरिएको हो ।
प्रशिक्षण कार्यक्रममा नेपाली काङ्ग्रेसको दर्शन , काङ्ग्रेस पार्टी र जनता बिचको सम्बन्ध , बर्तमान अवस्थामा युवा पुस्ताको पार्टी प्रती बिकर्षण , गुट उपगुटले पार्टिलाइ कमजोर बनाउदै गरेको बारेमा चर्चा गरिएको थियो ।
कार्यक्रममा जिल्ला कार्यसमिति, क्षेत्रिय कार्यसमिति,जिल्ला स्थित छ वटा पालिका कार्यसमिति, वडा सभापती, भातृ तथा सुभेच्छुक संस्थाका प्रमुख, निर्वाचित जनप्रतिनिधी, उम्मेद्वारका आकांक्षी, महाधिवेशन प्रतिनिधिहरु प्रशिक्षण कार्यक्रममा सहभागी भएका थिए ।
कार्यक्रममा नेपाली कांग्रेसका केन्द्रिय सहमहामन्त्री बद्री पाण्डे, देवराज चालिसे लगायतका नेताहरुले प्रशिक्षण दिएका छन । यस्तै नेतृ पुष्पा भुसाल, रेवती प्रसाद भुसाल, लुम्बिनी प्रदेश सभापती अमर सिंह पुन उपसभापती भुवन श्रेष्ठ लगायतका नेताहरुले पनि प्रशिक्षणमुलक मन्तव्य दिएका हुन ।
अन्य समाचारहरु
