गुल्मीको चन्द्रकोटमा मृत भेटिएकी किशोरीको बलात्कारपछि हत्या भएको पुष्टि ,घटनामा संलग्न आरोपमा एक युवक पक्राउ

गुल्मीमा १५ वर्षीया किशोरीकाे बलात्कारपछि हत्या भएको पुष्टि भएको छ । शुक्रबार जिल्लाकाे चन्द्रकाेट गाउँपालिका वडा नम्बर ४ स्थित हुग्दी खाेलामा मृत अवस्थामा किशोरीकाे शव फेला परेको थियो ।

जिल्ला प्रहरी कार्यालय गुल्मीका प्रमुख नवीनकिशाेर प्रधानले चन्द्रकाेटमा एक किशोरी मृत अवस्थामा फेला परेको जानकारी दिए । उनका अनुसार जससम्बन्धी अनुसन्धान गर्ने क्रममा एक जनालाई पक्राउ गरिएकाे छ ।

बलात्कारपछि हत्या भएकी किशोरीकाे स्थायी घर बागलुङको बरेङ गाउँपालिका वडा नम्बर ३ हाे । उनी आमासँग काेठा भाडामा लिएर गुल्मीको चन्द्रकाेट बस्दै आएकी थिइन् । उनको शव स्थानीय हुग्दी खाेलामा नग्न अवस्थामा फेला परेको थियो ।