प्रहरीले सार्वजनिक गर्‍यो रुसी सेनामा पठाउने गिरोह: गिरोहबाट फेला पर्‍यो ४३ थान पासपोर्ट, २७ लाख नगद

काठमाडौं । नेपाली युवकलाई रुसी सेनामा पठाउने गिरोहबाट ४३ थान पासपोर्ट फेला परेको छ।  गत मंसिर १४ र १८ गते दुई पटक गरी पक्राउ परेका १२ जनालाई बुधबार सार्वजनिक गर्दै प्रहरीले उनीहरूबाट बरामद भएका पासपोर्टदेखि नगदसम्मका बारेमा जानकारी गराएको छ।

प्रहरीले सार्वजनिक गरेको विवरण अनुसार पक्राउ परेकी सुजता दाहालको कार्यालयबाट २७ थान र ईश्वर अधिकारीको कार्यालयबाट १६ थान पासपोर्ट बरामद भएको हो।

त्यस्तै, दाहालको कार्यालयबाट १४ लाख १८ हजार ५ सय रुपैयाँ र अधिकारीको कार्यालयबाट १३ लाख ४२ हजार रुपैयाँ नगद समेत बरामद भएको प्रहरीले बताएको छ।