माघ २० गते, २०८० मा प्रकाशित
-केशबराज ज्ञवाली,अर्घाखाँची डटकम
सन्धिखर्क अर्घाखाँची । राष्ट्रिय स्वतन्त्र पार्टिका सभापती रबि लामिछानेले आफुहरु जिन्दगिभर राजनिती गर्ने र देश लुट्ने उदेस्यले राजनितिमा नआएको दाबी गरेका छन । उनले पुराना दल र तिनका नेतृत्वबाट देश सुध्रिने आशा नभएर आफुहरु राजनितिको आधिहुरिमा संलग्न भएको पनि बताएका छन ।
जनताहरुले आफ्ना समस्या र गुनासा राख्न्ने मन्त्रालय हरुमा सहज रुपमा आम सर्वसाधारण जानै नसक्ने अवस्थाको राष्ट्रिय स्वतन्त्र पार्टिले अन्त्य गर्ने लामिछानेको दावी छ । उनले आफू छोटो समय मन्त्री हुदा राम्रो काम हुने भयो भनेर सबै तर्सिएको र षडयन्त्र सुरु गरेको पनि बताए ।
राज्य सत्ताको चाबी आफ्नो हातमा नभए पनि स्वतन्त्र पार्टिका सांसदहरुले सदनमा निरन्तर आम जनजिविकाका सवाल सहित नीति निर्माणका सन्दर्भमा निरन्तर आवाज उठाएको भन्दै अब ०८४ पछि पुर्ण जनताको बहुमतले देशको मुहार फेर्ने यात्रामा अगाडि बढ्ने लामिछानेले दावी गरे ।
सभामा बोल्दै सभापती लामिछानेले आफ्नो पार्टिमा नीति निर्माण र खबरदारि गर्ने दक्ष ब्यक्तिहरु भएको , देशलाई चिनेका बिद्वान तथा इमान्दार साथिहरु समेत भएको हुदा अब राजनीति बिज्ञ ब्यक्तिले गर्ने आवस्यकता भएको औल्याएका छन ।
देश बिकासको को नीति बनाउने मुख्य थलो राजनितीनै फोहोरीहरुको चांगुलमा फसेकोले यो चंगुल फुत्काउन अब जनताहरुले मत परिवर्त गर्नुपर्ने आवस्यकता रहेको पनि लामिछानेको दावी छ ।
देशहरुका जनताले मत परिवर्तन नगरे देश नबन्ने भन्दै सभापति लामिछानेले आफुहरुलाइ एक पटक मौका दिए काम गरेर देखाइदिने र सधै सत्ताको लोभ लालचमा पनि नबस्ने उद्घोष गरे ।
सभामा बोल्दै लामिछानेले आफुहरु राजनितिमा छिरेपछी भ्रष्टहरुको सातो उडेको र उनिहरुले आफुहरुलाइ सिध्याउन षड्यन्त्र गरिरहेको बताए । तर कसैले हिलो छ्याप्दैमा राष्ट्रिय स्वतन्त्र पार्टी पछि नहट्ने पनि उनले बताए ।
अर्घाखाँचीको माटोमा जंग बहादुर जन्मिएको हो भन्दै लामिछानेले अब तेत्तिकै आंटिलो मानिस अर्घाखाँचीले अव जन्माउने बिस्वास पनि ब्यक्त गरे ।
रबिले आफू जीवन भर राजनिती गर्न नआएको आफुले कार्यकारी अधिकार पाएको दुई कार्यकालमा देशको मुहार फेरेर राजनिती छोड्ने र राजनिती छोड्दाको दिन देखि राज्यको सुबिधा नलिने पनि उद्घोष गरेका छन ।
थप तस्बिर:
अन्य समाचारहरु
