माघ २८ गते, २०८० मा प्रकाशित
-केशबराज ज्ञवाली,अर्घाखाँची ।
अर्घाखाँची- नेपाल रेड्क्रस सोसाइटि अर्घाखाँचीको आयोजनामा आज सम्पन्न भएको बृहत रक्तदान कार्यक्रममा १७२ जनाले रक्तदान गरेका छन । रेडक्रस जिल्ला शाखा अर्घाखाँचीले आफ्नो स्वर्ण जयन्तिको अवसरमा उक्त कार्यक्रम आयोजना गरेको हो ।
रेडक्रस अर्घाखाँचीको कार्यालय परिसरमा भएको रक्तदान कार्यक्रममा रक्तदाताहरु उल्लेख्य रुपमा सहभागी भएर रक्तदान जस्तो महान कार्यमा सहभागी भएको प्रती रेडक्रस अर्घाखाँचीका सभापती कुशल भुसालले धन्यबाद व्यक्त गरेका छन ।
स्वर्ण जयन्तिकै अवसरमा रक्तदातालाई सम्मान गर्दै जिल्लामा भैपरि आउने अवस्थामा तत्काल रगत दिन सक्ने ब्यबस्था मिलाउन प्रत्यक्ष रक्तदाता क्लव गठन गर्ने पनि रेडक्रस अर्घाखाँचीले जनाएको छ ।
रेडक्रस सोसाइटी अर्घाखाँचीका सभापती कुशल भुसालले पत्रकार महासंघ अर्घाखाँचीका सभापती अशोक खनाललाइ रक्त संकलन पोका हस्तान्तरण गरि रक्तदान कार्यक्रमको सुरुवात गराएका थिए ।
थप तस्बिर :
अन्य समाचारहरु
