अज्ञात समूहद्वारा चितवनमा विद्यार्थी लिन गएको बसमाथि आगजनी

काठमाडौं । चितवनमा विद्यार्थी लिन गएको बसमाथि अज्ञात समूहले आगजनी गरेको छ । चितवनको ददेरीस्थित लिटिल एन्जलस स्कूल अन्तर्गत स्मल हेवेन मोर्डन स्कूलको बसमा आगजनी भएको हो ।

आइतबार बिहान स्कुलबाट झण्डै सात किलोमिटर टाढा विद्यार्थी लिन जाँदा बसमा अज्ञात समूह प्रवेश गरी चालक र सहचालकलाई गाडीबाट ओरालेर आगजनी गरेका हुन् ।

आगजनीबाट बस पूर्णरूपमा क्षति भएको छ । आगजनी गर्ने समुहको खोजीकार्य भइरहेको प्रहरीले जनाएको छ ।