जेष्ठ ३१ गते, २०८१ मा प्रकाशित
-सागर महत,सन्धिखर्क।
सन्धिखर्क। भेटेरेनरी अस्पताल तथा पशु सेवा विज्ञ केन्द्र अर्घाखाँचीले सन्धिखर्क नगरपालिका वडा नम्बर ८ र भुमिकास्थान नगरपालिकाको वडा नम्बर ८का किसानलाई लक्षीत गर्दै भकारो सुधार र दुध संकलन केन्द्रको किमडाँडामा निर्माण गरिएको छ ।
कार्यालययले व्यवसायीक रुपमा गाई पालन गर्ने २५ जना किसानलाई कुल ३७ लाख ५० हजारमा भकारो सुधार,दुध संकलन केन्द्र निर्माण,पिसाप संकलन केन्द्रको स्थापानका गरेको कार्यालय प्रमुख विष्णु प्रसाद पौड्ेलले बताउनुभयो ।
जसमध्ये भेटेरेनरी अस्पतालको ७५ प्रतिसत र किसानको २५ प्रतिसत लागतमा निर्माण गरिएको हो ।
संकलन केन्द्रमा अब देखि दैनिक ५ सय भन्दा बढी दुध संकलन हुने उहाँले बताउनुभयो ।यस्तै आजै ७५ प्रतिसत अनुदानमा किसानलाई ७५ वटा दुध संकलन गर्ने भाडा र गाईको लागि म्याट समेत हस्तान्तरण गरिएको कार्यालय प्रमुख पौड्ेलले बताउनुभयो ।
यस्तै सन्धिखर्क नगरपालिका वडा नम्बर ८का वडा अध्यक्ष हुम प्रसाद बन्जाडेले जिल्लामै दुधको प्रमुख गन्तव्य मध्ये किमडाँडा एक भएकाले यसको शाख जोखाइ राख्न किसानलाई आग्रह गर्नुभयो ।
वडा कार्यालय पनि आवश्यक अनुसारको सहयोग गर्ने बताउनुभयो । यस्तै अर्घाखाँची दुग्ध व्यवसायी संघका जिल्ला अध्यक्ष चन्द्र प्रसाद बन्जाडेले हाल लाई जिल्लामा दुधको बजारीकरणको समस्या नभएको बताउनुभयो ।
अहिले प्युठान,गुल्मी लगायतका जिल्लामा निर्यात हुन्छ । कार्तिक पछि दुधको बजारीकरणमा समस्या हुने बताउनु भयो ।
कार्यक्रममा सन्धिखर्क नगरपालिका वडा नम्बर ८ कि वडा सदस्य लिला भुसाल, भेटेरेनरी अस्पताल तथा पशु सेवा विज्ञ केन्द्रकी पशु प्राविधिक राधा पन्थी,प्राविधिक योगेन्द्र प्रसाद मरासीनी, अर्घाखाँची दुग्ध व्यवसायी संघका सचिव काशी सापकोटा लगायतले सुभकामना मन्तव्य राखेको कार्यक्रमम सन्धिखर्क वडा नम्बर ८ का वडा
सदस्य कृष्ण पराजुली, भेटेरेनरी अस्पताल तथा पशु सेवा विज्ञ केन्दका लेखापाल दुर्गा बहादुर विक लगायतको सभागतिा रहेको कार्यक्रम पशु सेवा विज्ञ केन्दका अधिकृत सुन्दर विकको संचालनमा सम्पन्न भएको हो ।
अन्य समाचारहरु
