आषाढ़ ४ गते, २०८१ मा प्रकाशित
-टेकराज भुसाल , अर्घाखाँची ।
अर्घाखाँची। भूमिकास्थान नगरपालिका नगरस्तरीय युवा संजालले आगामी आर्थिक वर्ष २०८१/८२ काे बजेटमा युवा क्षेत्रका कार्यक्रम समावेश गर्न भूमिकास्थान नगरपालिका समक्ष माग गरेको छ।
साेमबार संजालका संयाेजक टेकराज भुसालले १० बुदे माग पत्र भूमिकास्थान नगरपालिका नगरकार्यपालिकाकाे बैठकमा नगरप्रमुख झविलाल थापा, उपप्रमुख बालाकृष्ण बन्जाडे, प्रमुख प्रशासकीय अधिकृत जगदीशचन्द्र नेपाली र पालिकाका सम्पूर्ण कार्यपालिका सदस्य समक्ष पेस गर्नुभएको हो।
साे अवसरमा संयाेजक भुसालले नगरस्तरीय युवा संजाल गठन भई विभिन्न नेतृत्व विकास र अन्य तालिमहरु संचालन गर्दै आइरहेको व्यहाेरा अवगत गराउदै युवा
वर्गको क्षमता र नेतृत्व विकासको अपेक्षित नतिजा हासिल गर्न, युवामैत्री स्थानीय शासनको विकास गर्नका लागि स्थानीय तहले युवाको क्षेत्रमा लगानी गर्न जरुरी रहेको बताउनुभयो।
नगरप्रमुख थापाले संजालले राखेका मागहरुलाई कार्यनयन गर्ने आफू र पालिका तयार रहेको र आगामी बजेटमा युवा क्षेत्रका कार्यक्रम समावेश हुने प्रतिबद्धता व्यक्त गर्नुभएको थियाे।
अन्य समाचारहरु
