आषाढ़ १० गते, २०८१ मा प्रकाशित
– केशवराज ज्ञवाली ,अर्घाखाची ।
सन्धिखर्क , अर्घाखाची । खाचिंकोटको तिनपाने लेकमा भुगर्भ सिमेन्ट प्राली द्वारा संचालित चुन ढुङ्गा उत्खनन् कार्य सधैको लागि बन्द गर्न माग गर्दै पर्यावरण संरक्षण तथा पर्यटन पर्वर्द्दन समिती अर्घाखाँची खाचिकोटले प्रमुख जिल्ला अधिकारि सहित जिल्ला स्थित सरोकारवालाहरुलाइ ज्ञापन पत्र बुझाएको छ ।
समितिका संयोजक प्रितम बहादुर थापाको नेतृत्वमा गएको टोलिले प्रमुख जिल्ला अधिकारिलाइ ज्ञापन पत्र बुझाउदै जिल्ला स्थित प्रहरी कार्यालय , जिल्ला समन्वय समिती , सन्धिखर्क नगरपालिका , पत्रकार महासंघ अर्घाखाँची समेतलाइ बोधार्थ पठाएको समितिका उप सयोजक वसन्त खड्काले बताएका छन ।
तिनपानेमा संचालित चुन ढुङ्गा उत्खनन कार्यले गर्दा पानीका मुहानहरु सुकेको , त्यस क्षेत्र संगै आसपासका क्षेत्रको पर्यावरण बिगृएको , नजिकैका स्कुलहरुमा गएको ध्वनी प्रदुषणले पठनपाठनमा असर परेको जिकिर गर्दै खानी उत्खनन् पुर्ण रुपमा बन्द गर्दै उक्त क्षेत्रको पर्यावरण संरक्षण गर्न बिज्ञ्यप्तिमा माग गरिएको छ ।
ज्ञापन पत्र बुज्दै प्रमुख जिल्ला अधिकारी सुर्य बहादुर खत्रीले खानी संचालन मन्त्री परिषदले पास गरेर गरिने केन्द्र स्तरिय कार्य भएको जनाउदै आफ्नो बलबुताले भ्याए सम्मको सहयोग गर्ने बताए ।
खांचिकोटमा सक्रिय एमाले बाहेकका राजनितिक दलहरुको सहभागिता रहेको समितिले ज्ञापन पत्र बुझाएर जिल्लामा औपचारिक जानकारी सबैलाइ दिइसकिएको र अब छिट्टै संघर्षका कार्यक्रम सुरु गर्ने समितिका उप संयोजक वसन्त खड्काले बताएका छन ।
साविकको नरपानी गाविस र खांचिकोटको तिनपाने लेकमा उत्खनन् गर्ने भनेर डाइनेस्टी इन्ड्रस्टृज प्रा .लि . र तत्कालिन श्री ५ सरकार बन तथा भु संरक्षण मन्त्रालय बिच
२०६२ असार ७ गते सम्झौता भएको देखिन्छ । तर नरपानी क्षेत्रमा व्यापक जनबिरोध पछी उत्खनन् कार्य बन्द भएको थियो ।
ज्ञापन पत्र :
थप तस्बिर:
पछि अर्घाखाँची सिमेन्टका नाममा भुगर्भ सिमेन्ट प्रालिलाइ नामसारी गरि २०७४ /४/२२ मा पुन अनुमती पत्र दिएपछि विभिन्न बिवाद र बिरोधका बिच तिनपाने लेकमा चुन ढुङ्गा उत्खनन् कार्य निरन्तर रहेको छ ।
अन्य समाचारहरु
