आषाढ़ २० गते, २०८१ मा प्रकाशित
काठमाडौं । नेदरल्याण्ड्स र टर्की युरोपियन च्याम्पियनसिप फुटबलको क्वार्टरफाइनलमा प्रवेश गरेका छन् ।
जर्मनीमा जारी प्रतियोगिताअन्तर्गत गएराति भएको राउण्ड अफ सिक्स्टीनको खेलमा नेदरल्याण्ड्सले रोमानियालाई ३–० ले हरायो । नेदरल्याण्ड्सको जितमा डोन्यल मालेनले दुई गोल गर्दा कोडी गाक्पोले एक गोल गरे । जितसँगै नेदरल्याण्ड्सले टर्कीविरुद्धको क्वार्टरफाइनल भिडन्त तय ग¥यो ।
गएराति नैं भएको अर्को खेलमा अष्ट्रियालाई २–१ ले हराउँदै टर्की पनि क्वार्टरफाइनलमा पुगेको हो । खेलमा टर्कीका मेरिह डिमाइरलले दुई गोल गरे । अष्ट्रियाका लागि मिचेल ग्रेगोरिचले एक गोल फर्काए ।
गएरातिका खेलहरुसँगै युरोपियन च्याम्पियनसिप फुटबलको क्वार्टरफाइनलमा पुग्ने सबै आठ टोलीको टुंगो लागेको छ । शुक्रवारदेखि सुरु हुने क्वार्टरफाइनल खेलहरुमा स्पेन र जर्मनी, पोर्चुगल र फ्रान्स, इंग्ल्याण्ड र स्विट्जरल्याण्ड तथा नेदरल्याण्ड्स र टर्की भिड्नेछन् ।
अन्य समाचारहरु
