आषाढ़ २१ गते, २०८१ मा प्रकाशित
काठमाडौं । राष्ट्रिय स्वतन्त्र पार्टीका महामन्त्री डा. मुकुल ढकालले तयार पारेको समीक्षा प्रतिवेदन सार्वजनिक भएको छ । प्रतिवेदनका केही विषयवस्तु पहिल्यै सञ्चारमाध्यममा आएपछि तीव्र विवाद उत्पन्न भएकाे थियाे ।
विभिन्न ३२ जिल्ला पुगेका पार्टीको अवस्थाबारे बुझेकाे महामन्त्री ढकालले समीक्षा प्रतिवेदनमा उल्लेख गरेका छन् । प्रतिवेदन ३२ पृष्ठको छ ।
पार्टीभित्र छलफल नहुँदै प्रतिवदेन मिडियालाई दिएकाे भनेर रास्वपाभित्र ढकालको आलोचना भएको थियो। बुधबारको केन्द्रीय समिति बैठकले उनको गतिविधि विधिसम्मत नभएको भन्दै कारबाही गर्ने निर्णय गरिसकेकाे छ ।
बुधबारको बैठकले प्रतिवदन सार्वजनिक गर्ने निर्णय गरेकाे थियाे । तर पार्टीले आधिकारिक रूपमा सार्वजनिक नगर्दै केही मिडियामा आएकाे थियाे । त्यसपछि ढकालले पनि आफ्नाे ह्वाट्स एप ग्रुपमा राखिदिएका छन् ।
अन्य समाचारहरु
