सिद्धार्थ राजमार्गका विभिन्न स्थानमा पहिरो जाँदा यातायात अवरुद्ध

बुटवल- गएरातिदेखिको अविरल वर्षाका कारण पहिरो खसेपछि सिद्धार्थ राजमार्ग अवरुद्ध बनेको छ । पहिरोले राजमार्गको पाल्पा-बुटवल खण्डको कालीमाटी, चर्चरे, बर्तुङु र राम्नी नजिकै पहिरो खसेर अवरुद्ध बनेको हो ।

यस्तै तानसेन–तम्घास सडक खण्डको अर्गली र जोर्ते क्षेत्रमा पनि पहिरो खसेर सडक अबरुद्ध बनेको जिल्ला प्रहरी कार्यालय पाल्पाले जनाएको छ । सोही कारण पाल्पाबाट बुटवल जाने र बुटवलबाट पाल्पातर्फ आउने सवारीसाधन बीच  बाटोमै रोकिएका छन् । यस्तै तानसेनबाट तम्घासतर्फ र गुल्मीबाट पाल्पातर्फ आउने सवारीसाधनसमेत राेकिएका छन् ।

वर्षा जारी रहेकाले पहिरो पन्छाउन समस्या भइरहेको प्रहरीले जनाएको छ । कालीमाटी, चर्चरे र राम्दी क्षेत्रका सडक भने एकतर्फी खुलाइएको छ ।