पहिलो अभ्यास खेलमा नेपाली महिला कृकेट टोली श्रीलंका संग पराजित
आषाढ़ २६ गते, २०८१ मा प्रकाशित
एसीसी महिला एसिया कपको तयारीका लागि श्रीलङ्कामा रहेको नेपाली राष्ट्रिय महिला क्रिकेट टोली पहिलो अभ्यास खेलमा पराजित भएको छ । नेपाल श्रीलङ्का विकास टोलीसँग डकवर्थ लुइस पद्धतिका आधारमा ३३ रनले पराजित भएको हो। वर्षाले प्रभावित खेलमा १५ ओभरमा ९६ रनको लक्ष्य पाएको नेपालले निर्धारित पूरै ओभर खेले पनि ९ विकेटको क्षतिमा ६३ रन मात्र बनाउन सक्यो। नेपालका लागि रुबिना क्षेत्रीले सर्वाधिक १७ र सिता राना मगरले ११ रन जोडिन् । पहिला ब्याटिङ गरेको श्रीलंकन टोलीले २० ओभरमा ८ विकेट गुमाएर ११८ रन बनाएको थियो। नेपालका लागि सबनम राईले ३ विकेट लिइन् । नेपालले अब दोस्रो अभ्यास खेल बुधवार खेल्नेछ। तेस्रो अभ्यास खेल भने जुलाई १६ का दिन हुनेछ । नेपालले एसिया कपको उद्घाटन खेलमा जुलाई १९ मा युएई विरुद्ध खेल्नेछ। नेपालको समूहमा भारत र पाकिस्तान पनि छन् ।
आषाढ़ २६ गते, २०८१ मा प्रकाशित
