-गोपाल प्रसाद भट्टराई ।
भाद्र–२०,अर्घाखाँची ।
राष्ट्रिय जनमोर्चा भूमिकास्थान नगरपालिका वडा नम्बर २ को आयोजनामा बुधबार ढाकावाङ्गमा श्रद्धान्जली सभा सम्पन्न भएको छ । राजमो जेष्ठ सक्रिय सदस्य कृष्णदेवी थापा सुमाको नवौं दिनको पुण्य तिथिमा राजमोले उहाँको निवासमै श्रद्धान्जली सभा गरेको हो ।
राष्ट्रिय जनमोर्चाका जेष्ठ सक्रिय सदस्य कृष्ण बहादुर थापाको जीवनसंगीनी, राष्ट्रिय जनमोर्चाका क्रियाशिल सदस्यहरु पृथ्वी थापा, बैकुन्ठ थापा, मोहन थापा, दिनेश थापा, शान्ता नेपाली, सावित्रा जि.सी. र सपना थापाको आमाको यहि भाद्र ११ गते ७० वर्षको उमेरमा निधन भएको हो ।
लामो समय देखि स्वास्थ्य समस्याबाट गुज्रिदै आउनुभएकी सुमाको उपचारको क्रममा निधन भएको हो । स्वर्गीय सुमाका ४ छोरा र ३ छोरी हुनुहुन्छ ।
राजमो भूमिकास्थान–२ का वडाध्यक्ष नारायण खनालको संचालनमा सम्पन्न शोकसभामा केन्द्रिय सदस्य तथा भूमिकास्थान नगरप्रमुख झविलाल थापाले सम्बोधन गर्नुभएको थियो ।
कार्यक्रममा बोल्दै उहाँले सुमाको पार्टी र कम्युनिष्ट आन्दोलनप्रतिको लगाव उल्लेख्यनिय रहेको स्मरण गर्दै उहाँलाई श्रदान्जली व्यक्त गर्नुभएको छ ।
शोकसभामा भूमिकास्थान–२ का वडाध्यक्ष एवम् राजमो नेता बुद्धि थापा, राजमो नेता बाबुराम खनाल, अनेम संघ नेतृ तथा भूमिकास्थानको कार्यपालिका सदस्य केशरा परियार, प्रगतीशील पत्रकार संघ केन्द्रिय सचिव गोपाल प्रसाद भट्टराई, रुपन्देहीका सचिव टेकराज भुसाल लगायत स्थानिय नेता तथा कार्यकर्ता र शुभचिन्तकको उल्लेख्य सहभागीता रहेको थियो ।
भाद्र २० गते, २०८१ मा प्रकाशित
