दाउन्ने सडकखण्ड रातिदेखि बन्द हुने

परासी । नारायणगढ–बुटवल सडक खण्डको दाउन्ने सडक मंगलबार राति १० बजेदेखि बुधबार बिहान ५ बजेसम्मका लागि बन्द हुने भएको छ ।

सोमबार दिउँसो ४ बजेदेखि अवरुद्ध रहेको सडक मंगलबार बिहान १० बजेदेखि सञ्चालनमा आएको थियो ।

बिहान ९ बजेदेखि एकतर्फी रुपमा सञ्चालनमा आएको सडक अहिले भने दुईतर्फी रुपमै सञ्चालन भएको प्रमुख जिल्ला अधिकारी स्किम श्रेष्ठले जानकारी गराउनुभयो । अहिले सडकलाई सामान्य मर्मत गरेर दुईतर्फी सञ्चालनमा ल्याइएको छ ।

सडक व्यवस्थित रुपमा मर्मत गर्नुपर्ने भएकाले रातिको समयमा सवारी साधन रोकेर काम गर्न लागिएको प्रमुख जिल्ला अधिकारी श्रेष्ठले जानकारी गराउनुभयो ।