आश्विन १७ गते, २०८१ मा प्रकाशित
-गोपाल प्रसाद भट्टराई
असौज–१७,अर्घाखाँची – निर्मल नवज्योति सुस्त मनःस्थिति विद्यालय सन्धिखर्कका विद्यार्थीलाई शैक्षिक सामग्री वितरण गरि अखिल नेपाल शिक्षक संघ अर्घाखाँचीले आफ्नो ३८औं स्थापना दिवस मनाएको छ ।
राजमो निकट शिक्षक संघले बुधबार विद्यालय परिसरमै एक कार्यक्रमको आयोजना गरी उक्त विद्यालयका २४ जना विद्यार्थीलाई कापी, कलम र केहि खेल सामाग्री सहितका शैक्षिक समाग्री वितरण गरेको हो ।
अखिल नेपाल शिक्षक संघका केन्द्रिय कोषाध्यक्ष टेक बहादुर थापा, जिल्ला अध्यक्ष कृष्ण प्रसाद बन्जाडे, उपाध्यक्ष इन्द्रमणी भुसाल, सचिव शिवहरी भट्टराई, सह–सचिव शान्ता आचार्य र कोषाध्यक्ष बिष्णु खनाल सहितका शिक्षक प्रतिनिधिहरुको सहभागितामा विद्यार्थीलाई शैक्षिक सामग्री वितरण गरिएको छ ।
संगठनको स्थापना दिवसमा सुस्त मनःस्थिति विद्यालय र बालबालिकालाई सम्झिएर विद्यालयमै आई शैक्षिक सामाग्री प्रदान गरेको भन्दै विद्यालयका प्रधानध्यापक माया भुसालले शिक्षक टोलीलाई धन्यावाद दिनुभएको छ ।
अन्य समाचारहरु
