कार्तिक ७ गते, २०८१ मा प्रकाशित
-रमेश ज्ञवाली ,अर्घाखाँची डट्कम।
कपिलवस्तु – कपिलवस्तु जिल्लाको शिवराज नगरपालिका–१, भाइरलडाँडा स्थिति पूर्व–पश्चिम राजमार्गमा भएको सवारी दुर्घटनामा एक जनाको मृत्यु भएको छ भने सोही दुर्घटनामा परि एक जना घाइते भएका छन्।
पूर्वबाट पश्चिमतर्फ जाँदै गरेको लु २ ख २१४२ नम्बरको अर्घाखाँचीबाट दिल्लीतर्फ जाँदैगरेको बसले विपरीत दिशाबाट आएको रा ७ प ३४८ नम्बरको मोटरसाइकल एकआपसमा ठोक्किंदा दाङको राप्ती गाउँपालिका–४ मौरिघाटका २७ वर्षीय मोटरसाइकल चालक लिलाराम कुँवरको घटनास्थलमै मृत्यु भएको छ ।
दुर्घटनामा परि मोटरसाइकलमा पछाडि सवार २९ वर्षीय खुसीराम चौधरीको टाउकोमा चोट लागेको छ । उनलाई थप उपचारका लागि संजीवनी सामुदायिक अस्पतालमा उपचाररत उनको अवस्था सामान्य रहेको छ ।
दुर्घटनामा संलग्न मोटरसाइकल र बस दुवै प्रहरीको नियन्त्रणमा रहेको वडाप्रहरी कार्यालय चन्द्रौटाका प्रहरी निरीक्षक सुजन शाहले जानकारी दिए ।
अन्य समाचारहरु
