अर्घाखाँची दुर्घटना पछील्लो अपडेट : दुई जनाको मृत्यु , ३३ घाइते , ९ जना गम्भिर घाइतेहरुलाई बुटवल रेफर

अर्घाखाँची । अर्घाखाँचीको भूमिकास्थान नगरपालिकास्थित जयठाटीमा देउसी भैलो खेलिरहेको स्थानमा बसले ठक्कर दिदा २ जनाको मृत्यु भएको छ भने कम्तिमा ३३ जना घाइते भएका छन् ।  ३३ घाइते मध्ये ९ जना गम्भिर घाइतेहरुलाई बुटवल रेफर गरेको प्रहरीले जनाएको छ।

देउसी भैलो खेलिरहेको स्थानमा ना ३ ख २४७१ नं को बसको ठक्करबाट दुई जनाको मृत्यु भएको छ ।

भूमिकास्थान नगरपालिकाको वडा नं ५ र ६ को सिमाना पर्ने जयठाटीमा सोमबार साँझ ५ बजेतिर देउसीभैलो नाचिरहेको स्थानमा बसले ठक्कर दिएको प्रहरीले जनाएको छ ।

बसको ठक्करबाट ३३ जना घाईते भएका छन् । जसमा ९ जना गम्भीर घाईते भएको जिल्ला प्रहरी कार्यालय अर्घाखाचीले जानकारी दिएको छ ।

बसले देउसी भैलो खेलिरहेकाहरूलाई ठक्कर दिएकामा एक महिलाको घटनास्थलमै मृत्यु भएको र अर्घाखाँची अस्पतालमा उपचारका क्रममा मृत्यु भएको बताइएको छ

प्रहरीले बसको ‘ब्रेक फेल’ हुँदा दुर्घटना भएको प्रहरीले जानकारी दिएको छ ।