दैलेखमा बस दुर्घटना हुँदा चार जनाको मृत्यु

दैलेख । दैलेखबाट सुर्खेत जाँदै गरेको बस दुर्घटना हुँदा चार जनाको घटनास्थलमै मृत्यु भएको छ । दैलेखको रानीमत्तानजिक भएको दुर्घटनामा २५ जना घाइते भएका छन् ।

दैलेख बजारबाट सुर्खेततर्फ जाँदै गरेको बस अनियन्त्रित भइ सडकबाट करिब २ सय मिटर तल खसेको प्रहरीले जनाएको छ । दुर्घटनामा मृत्यु भएकाहरुको पहिचान खुल्न बाँकी छ ।

प्रहरीका अनुसार भिरालो ठाउँमा दुर्घटना भएकाले उद्धारमा कठिनाइ भएको छ । घाइतेहरूलाई उपचारका लागि प्रदेश अस्पताल पठाइएको छ । गाडीमा ३० जनाभन्दा बढी यात्रु रहेको अनुमान गरिएको छ । घटनाबारे थप विवरण आउन बाँकी रहेको प्रहरीले जनाएको छ ।