ट्रम्पले सिनेटर रुबियोलाई विदेशमन्त्री बनाउदै

काठमाडौँ । अमेरिकी निर्वाचित राष्ट्रपति डोनाल्ड ट्रम्पले फ्लोरिडा राज्यका सिनेटर मार्को रुबियोलाई विदेशमन्त्री बनाउने भएका छन् ।

अमेरिकी मिडियाहरुले ट्रम्पले रुबियोलाई विदेशमन्त्री बनाउने तयारी गरेको उल्लेख गरेका छन् ।

यस अघि ट्रम्पको पहिलो कार्यकालमा जर्मनीको राजदुत बनेका उनका विश्वासपात्र रिक ग्रेनेललाई विदेशमन्त्री बनाउने चर्चा थियो ।

रुबियोलाई यसअघि ट्रम्पले उपराष्ट्रपतिको उम्मेदवार बनाउने पनि चर्चा थियो । रुबियो हाल सिनेटको इन्टेलिजेन्स कमिटी र वैदेशिक नीति कमिटीमा रहेका छन् । रुबियो हालै ट्रम्पले नियुक्त गरेका चिफ अफ स्टाफ सुसी वाइल्ससँग पनि राम्रो सम्बन्ध रहेको बताइएको छ ।

रुबियो रिपब्लिकन पार्टीबाट राष्ट्रपतिको उम्मेदवार समेत बन्न खोजेका थिए । त्यसक्रममा ट्रम्पसँग सम्बन्ध बिग्रिएको भएपनि पछि उनले ट्रम्पसँगको सम्बन्ध सुधार गरेको बताइएको छ ।

उनले चीनप्रति कडा नीति अपनाउनु पर्छ भन्ने रिपब्लिकन नेता मध्ये पर्दछन् । इन्टेलिजेन्स कमिटीमा चिनियाँ प्रविधि प्रयोग गरेर उत्पादन गरेका ब्याट्रीमाथि कर बढाउने र टिकटकमा चीनको प्रभावको बारेमा कडा कदम चाल्नुपर्ने धारणा राख्दै आएका छन् ।