सहकारी पिडितको बचत फिर्ता गर्नुपर्छ : रास्वपा सभासद गौतम (तस्बिर सहित)

अर्घाखाँची १५ मसिर । राष्ट्रिय स्वतन्त्र पार्टी रास्वपा केन्द्रिय सदस्य तथा सभासद सविता गौतमले रास्वपा सभापति रवि लामिछानेलाई पक्राउ गरेर सहकारीमा जनताको डुबेको ८७ अर्ब अपचलन गर्नेलाई उन्मुक्ति दिने खेल सुरु भएकोले यसको निष्पक्ष छानविन गरी सहकारी पिडितको रकम फिर्ता गर्नु पर्ने बताइएकी छिन् ।

राष्ट्रिय स्वतन्त्र पार्टी रास्वपा अर्घाखाँची जिल्लाको प्रथम भेलालाई सदरमुकाम सन्धिखर्कमा सम्वोधन गदै सभासद गौतमले यस्तो बताएकी हुन् ।

सभासद गौतमले आम जनाताको सहकारीमा डुबेको ८७ अर्ब अपचलन गर्नेलाई पनि कार्यबाही गरि देशमा विधिको शासनको प्रत्याभुति आम नागरिकलाई दिलाउनुको सट्टा सरकारले प्रतिशोधपुर्ण व्यबहार गरेको बताउदै सरकारले गठन गरेको संसदीय छानबिन समितिले सहकारी ठगीमा कुनै संलग्नता नरहेको भनी पुष्टी गरेको अवस्थामा सोही मुद्दामा सभापतिलाई पक्राउ गरिनु राजनीतिक पूर्वाग्रह प्रेरित कदम रहेको बताउदै रास्वपा विधिको शासनलाई सम्मान गर्दै राज्यका न्यायिक निकायको छानबिनलाई सघाउन सदैव तयार छ।

तर, कानुनका छिद्रमा टेकेर रास्वपा र सभापति माथि साँधिने राजनीतिक प्रतिशोध कदापि स्वीकार्य नहुने बताउदै रास्वपाले ‘गिरीबन्धु, भुटानी शरणार्थी काण्ड, टेरामक्स र वाईडवडी जस्तो अरबौंको घोटालाको निष्पक्ष छानबिन गरी दोषीलाई कार्याबाहीको दायरामा ल्याउन आग्रह समेत गरिन् ।

एक फरक प्रसगमा नेपाल प्रहरी राज्यको निकाय भएकोले सत्ताले यसको दुरुप्रयोग गरेर देशमा लोकतन्त्र र विधिको शासनको धज्जी उडाएको आरोप लगाउदै सुन्दर व्यबस्था माथि सत्ताधिन नेताका कारणले व्यबस्था माथि प्रश्न उठेको बताउदै व्यबस्था बचाउन आग्रह गरिन् ।

कार्यक्रममा केन्द्रीय सदस्य बिजय जौरी केन्द्रिय मानबअधिकार विभागका केन्द्रिय सदस्य गणेश पौडेल पाणिनी गाँउपालिका सभापति बाबुराम घिमिरे भुबन अर्घाखाँची काठमाण्डौ सम्पर्क मन्च अध्यक्ष सीता पराजुली पत्रकार महासघका उपाध्यक्ष विरेन्द्र केसी समाजसेबी सहयोगी विसी यज्ञ पौडेल लगायतले कार्यक्रममा शुभकामना मन्तब्य राख्नुभएको थियो ।