विवाहको कुरा लिएर साइबर जाने तयारीमा गायिक रचना

काठमाडौं– रचना रिमाल अहिलेकी अत्यन्त व्यस्त गायिका हुन् । उनी अहिले विभिन्न महोत्सवहरुमा आफ्नो सांगीतिक प्रस्तुति दिन व्यस्त छिन् ।

रचना रिमाल एक त्यस्ती गायिका हुन्, जो देशसँगै विदेशमा पनि उत्तिकै लोकप्रिय छिन् । तर अहिले भने रचनालाई झुठो विवाहको खबरले हैरान बनाएको छ । गुड भाइब्स नामक एउटा फेसबुक पेजले क्रिकेटर ललित राजवंशीसंगको एउटा तस्विर शेयर गर्दै माघमा विवाह बन्धनमा बाँधिदै भनेरसमेत लेखेको छ ।

उक्त पेजले आफ्नो पोस्टमा उनीहरुको विवाहको मिति माघ ८ गतेसमेत बताउँदै वधाइ र शुभकामना पनि दिएको छ । यो खबरलाई ३ हजार भन्दा बढीले रियाक्सन गरेका छन् भने धेरैको प्रतिक्रियासमेत आएको छ । यद्यपि, गायिका रिमालले भने यो पेजविरुद्ध आफू साइबर ब्यूरो जान लागेको बताएकी छिन् । उनले ‘अब साइबर ब्यूरोमा नै भेट होला’ भनेर प्रतिक्रिया दिएकी छिन् ।

धेरैले रचनाको उक्त प्रतिक्रियामा समर्थन जनाएका छन् । धेरैले भ्रामक खबर हो भन्दै कानुनी कारवाही गर्न सुझाएका छन् भने केहिले रचना र ललितलाई वधाइ पनि दिएका छन् ।

हालै सम्पन्न नेपाल प्रीमियर लीगमा रचनाले ललितलाई समर्थन गरेको कुरा चर्चाको विषय बनेको थियो । गायिका रिमालले विराटनगरको टीमलाई समर्थन गरे पनि खेलाडीको रुपमा भने उनले जनकपुर बोल्ट्सका सफल बलर राजवंशीलाई सपोर्ट गरेको कुरा चर्चामा आएको थियो । -KK