पौष २० गते, २०८१ मा प्रकाशित
-टेकराज भुसाल, अर्घाखाँची।
भूमिकास्थान अर्घाखाँची। जनचेतना महिला कृषि सहकारी संस्थाको नवाैं वार्षिक साधारणसभा सम्पन्न भएको छ।
भूमिकास्थान नगरपालिका वडा नम्बर १ र २ (साविक ढाकाबाङ गाविस) मा कार्यक्षेत्र रहेको उक्त सहकारीले पिपलनेटा बजारमा नवाैं वार्षिक साधारणसभा
सम्पन्न भएको हो।
साधारणसभालाई भूमिकास्थान नगरपालिका वडा नम्बर २ का वडाध्यक्ष बुद्धिबहादुर थापाले उद्घाटन गर्नुभएको थियो। सो अवसरमा मन्तव्य राख्दै वडाध्यक्ष थापाले सहकारीको उन्नति र विकासका लागि सबै सेयर सदस्यले अपनत्व लिँदै जागरुक हुनुपर्ने बताउनुभएको थियो ।
कार्यक्रममा प्रगति कृषक सहकारी संस्थाका अध्यक्ष भुवानन्द भुसाल, भगवती कृषि सहकारी संस्थाका अध्यक्ष गणेश सुनार, जनचेतना महिला कृषि सहकारी संस्थाका पूर्व अध्यक्ष सृजना थापा लगायतले शुभकामना मन्त्वय राख्नुभएको थियो।
अध्यक्ष खुमा भुसालले प्रगति प्रतिवेदन, लक्ष्मी खनालले आर्थिक प्रतिवेदन प्रस्तुत गर्नुभएको सो कार्यक्रम मनिसा केसीको सञ्चालनमा सम्पन्न भएको थियो ।
सहकारीले नियमित बचत, बालबचत, रेमिट्यान्स र सहकारी पसल सञ्चालन गर्दै आएको छ ।
थप तस्बिर:
अन्य समाचारहरु
