पौष २९ गते, २०८१ मा प्रकाशित
-केशव राज ज्ञवाली, अर्घाखाँची डट्कम।
सन्धिखर्क ,अर्घाखाँची – सुदुर पश्चिम प्रदेशका प्रदेश प्रमुख नजिर मियाले मेला महोत्सव बाट जिल्लाले मनग्य फाइदा लिन सक्ने गरि कार्य गर्नुपर्ने बताएका छन ।
छैठौ अर्घाखाँची महोत्सव २०८१ समुद्घाटनको अवसरमा सन्धिखर्क -१ कुडुले फाटमा मियाले यस्तो बताएका हुन ।
अहिले देशब्यापी रुपमा महोत्सवहरु भइरहेको बताउदै प्रदेश प्रमुख मियाले अर्घाखाँची महोत्सवको बिषयमा केही बिवाद सार्वजनिक हुनु दुखद भएको बताउदै महोत्सवको बिषयमा एक आपसमा सल्लाह , छलफल गरेर प्रयाप्त समय राखेर महोत्सव लाई उत्कृष्ट बनाउन पनि सुझाव दिएका छन ।
उनले आगामी बर्षका कार्यक्रमहरुमा यस्ता कुरा बाट पाठ सिकेर व्यापक रुपमा सबैको सहभागिता र अपनत्व हुने गरि कार्य गर्न पनि सुझाव दिएका छन ।
महोत्सवको सफलताको शुभकामना दिने क्रममा प्रदेश प्रमुख मियाले आफू अर्घाखाँची बासी हुनुमा गर्व भएको बताउदै अर्घाखाँचीको शिर झुक्ने काम कहिल्यै नगर्ने प्रतिवद्दता पनि जिल्लाबासी सामु गरेका छन ।
उनले आफू सबै भन्दा जान्ने र योग्य भएर प्रदेश प्रमुख नभएको भन्दै आफू प्रदेश प्रमुख हुनुमा राज्यको समाबेशी चरित्र र जिल्लाबासिको माया प्रमुख सहयोगी रहेको पनि बताएका छन
प्रदेश प्रमुख मियाले आफुलाइ सहि सुझाव सल्लाह आग्रह गर्दै आफू सुदुर पश्चिम बसुन्जेल जिल्लाको शिर उचो पारेर बस्ने प्रतिबद्दता पनि जनाएका छन ।
छैठौ अर्घाखाँची महोत्सव पुस २९ गतेदेखी माघ १२ गते सम्म सन्धिखर्क -१ को कुंडुले फाटमा चल्नेछ । महोत्सवमा जिल्लाका स्थानिय उत्पादन द्व्खी लिएर सम्पुर्ण आवस्यकताका सामानहरु शुपथ मुल्यमा पाइने आयोजकले जनाएको छ ।
थप तस्बिर: दीपेन्द्र पौडेल , हिमाल कुँवर
अन्य समाचारहरु
