छैठौं अर्घाखाँची महोत्सव २०८१ समुद्घाटन देखि समापन सम्म के भयो ? ( पुरा विवरण / तस्बिर सहित )

सन्धिखर्क, अर्घाखाँची।  सन्धिखर्कको कुडुंलेफांटमा पुष २९ गते देखि संचालनमा आएको छैठौं अर्घाखाँची कृषि ,पर्यटन एवं औधोगिक महोत्सव २०८१ माघ १२ गते समापन भएको छ । केही बिवाद र केही उत्साहका बिच सम्पन्न महोत्सवले करिव ४ करोड बढिको कारोवार गरेको आयोजकले जनाएको छ ।

बिगतका बर्षदेखी अर्घाखाँचीमा महोत्सवलाई बिवादमा पारिदै जाने क्रम बड्दो छ । यद्यपि विभिन्न बिवाद र अवरोहका बिच सम्पन्न उक्त महोत्सवको आयोजना उधोग वाणिज्य संघ अर्घाखाँचीले गरेको थियो ।

महोत्सवको चर्चाका बिच जिल्लामा रहेका ब्यापारिक संघ संस्थाहरु ब्यापार संघ, चेम्बर अफ कमर्श लगायतका चार वटा संघले त पत्रकार सम्मेलन गरेर महोत्सवको बिरोधै गरेता पनि व्यापार संघ बाहेक अन्य संघ सस्थांहरु पछि सहमतिमा आए ।

१३ दिने महोत्सवमा प्रशंसा गर्नलायक कुरा मुख्यतया के के भयो ?

*उद्घाटनमा देखिएको धार्मिक सद्भावनाको उदाहरण *

पुष २९ गतेको उद्घाटन समारोहको लागि लुम्बिनी प्रदेशका मुख्यमन्त्री चेतनारायण आचार्यलाई बोलाइएको र आचार्यले पनि आउने बाचा दिएका थिए तर अन्तिम चरणमा मुख्यमन्त्री आचार्यले विभिन्न कारण देखाइ सुदुर पश्चिम प्रदेशका प्रदेश प्रमुख नजिर मियालाइ अगाडि सारिदिएर बोलाउन आयोजकलाइ अनुरोध गरेको बताइएको छ ।

महोत्सवको केही बिवाद देखेर आफू बच्न र भविश्यमा आफ्नो राजनीतिक यात्रा पुर्णतया सुरक्षित गर्न उनले एसो गरेको केही जानकारहरु बताउछन । यद्यपि मुख्यमन्त्री आचार्यले जे जस्तो सोचेर वा समय परिस्थितिले उद्घाटन समारोहमा नजिर मियालाइ अगाडि सारि दिदा प्रशंसा गर्न लायक धार्मिक सद्भावना देखिएको थियो ।

पानसमा बत्ति बालेर गरिएको उद्घाटन समारोहमा मुस्लिम समुदायका अथितिले दियो समातेर पानसको बत्ती बाल्दै र हिन्दु बटुकहरुले सोस्ती वाचन गरेको दृश्यले अर्घाखाँचीमा रहेको धार्मिक सद्भावनामा शंका गर्नेहरुलाइ गतिलो जवाफ दिएको थियो ।

*स्थानिय उत्पादनलाइ प्राथमिकता *

१३ दिन सम्म चलेको महोत्सवमा जिल्लाका स्थानिय उधोग , कृषि उत्पादन , हस्तकला , रैथाने उत्पादन लगायतकालाइ निशुल्क स्टल उपलब्ध गराइनु प्रशंसा गर्न लायक

रहयो । माथी उल्लेख गरिएकाहरुलाइ ५० वटा स्टल निशुल्क उपल्ब्ध गराइएकोमा स्टल लिनेहरुले स्थानिय उत्पादनहरु तरकारी , फलफुल , दुग्ध जन्य पदार्थ सहित स्थानिय उत्पादनहरु कोदोको पिठो , फापर , भटमास लगायतका बस्तुहरुको बिक्री बितरण गरेका थिए ।

*प्राथमिक उपचार , सिम कार्ड खरिद , सुरक्षा हेल्प डेस्क सेवा *

महोत्सवका क्रममा हुन सक्ने घटनालाइ मध्यनजर गर्दै महोत्सव स्थलमा निशुल्क प्राथमिक उपचार कक्ष , सिम कार्ड खरिद ब्यबस्था , प्रहरी हेल्प डेस्क लगायतका सेवाहरुको आगन्तुकहरुले भरपुर उपभोग गरेका थिए ।

*भरपुर सांगीतिक मनोरंजन *

महोत्सव अवधिभर दर्शकहरुले राष्ट्रिय र स्थानिय कलाकारहरुको प्रस्तुतिमा मनोरंजन लिए । राष्ट्रिय स्तरका कलाकारहरु दुर्गेश थापा , रचना रिमाल , बद्री पंगेनी , शान्तिरानी परियार , एलिना चौहान , पशुपति शर्मा , श्याम राना , रमेशराज भट्टराई , कुलेन्द्र बिश्वकर्मा लगायतका कलाकार सहित अर्घाखाँचीमा जन्मिएर राष्ट्रिय स्तरमा ख्याती कमाउन सफल र भर्खरै कला निखार्दै गरेकाहरुलाइ पनि स्थान दिएर दर्शकहरुलाइ मनोरंजन दिलाइएको थियो ।

महोत्सवमा स्थानिय नव प्रतिभाहरुलाइ मौका दिदै गरिएको अर्घाखाँची आइडल कार्यक्रममा पनि राम्रै सहभागिता देखियो ।

*के के भए कमजोरी *

*महोत्सवको बारेमा स्थानिय लाई अलमल *

महोत्सव सधै बिवादमा पारिदा हुने कि नहुने भन्ने बिशयमा स्थानिय अलमलमा पर्दा स्थानिय उत्पादनका लागि राखिएका निशुल्क स्टलहरु पनि खाली देखिनुले स्थानिय उत्पादनको कमि महशुश गराएको थियो ।

अब आउने दिनहरुमा महोत्सव आयोजना गर्दा प्रयाप्त समय राखेर आयोजना गर्ने र स्थानिय उत्पादन र उधमिहरुको सहि तथ्यांक अनुरुपका स्टलहरु राखेर सकेसम्म खाली स्टल हरु महोत्सव स्थलमा नरहने अवस्था सृजना गर्न सके उत्तम हुने थियो ।

*स्टेज निर्माणमा पुरानै तरिका *

महोत्सव स्थलमा सांगीतिक प्रस्तुतिका लागि बनाइएको स्टेज यसपाली पनि साघुरो देखियो । स्टेज सानो भएका कारण पल शाह , दुर्गेश थापा लगायतका कलाकारहरुले खुलेर आफ्नो प्रस्तुतीकरण दिन नपाएको दर्शकहरूले महसुस गरेका छन । कलाकारहरुले स्पिकर माथी चढेर प्रस्तुती गरेको दृश्यले आयोजकको स्टेज निर्माणको कमजोरि प्रस्ट देखिएको थियो ।

*मिडिया जोनको सुनिश्चितता नभएको *

महोत्सवमा हुने विभिन्न सांगितिक र रचनात्मक कार्यक्रमहरुको प्रत्यक्ष प्रसारण , समाचार संकलनको लागि खटिने संचारकर्मी र प्राबिधिकहरुलाइ सुरक्षित मिडिया जोनको ब्यबस्थापन नगरिनु पनि यसपालि आयोजकको कमजोरी बन्यो ।

संचारकर्मिहरुलाइ आवस्यक टेबल सहितको निश्चित स्थानको ब्यबस्थापन नगरिदिदा समाचार संकलन र प्रत्यक्ष प्रसारणको क्रममा कलाकारका फ्यानहरुको हलचल बाट

लाइभ गरिरहेका क्यामेरा , मोबाइलहरु हल्लिने , कलाकारहरु दर्शकसामु आउदा सुरक्षा गार्डबाटनै क्यामेराहरु सार्न लगाउने जस्ता कार्यहरुले प्रत्यक्ष प्रसारणको गुणस्तरीयतामा बेलाबेलामा कमजोरी आएको थियो ।

यसरी आएको समस्या समाधान गर्न अवका दिनमा हुने यस्ता कार्यक्रममा निश्चित सुबिधायुक्त मिडिया जोनको ब्यबस्थापन गर्नुपर्ने देखिन्छ ।

उचित स्थानमा बिवाद

महोत्सव लगाउने स्थान उचित नभएको पनि आवाज उठेको छ । दुवै तर्फ स्कुल र बस्तिको बिचमा रहेको खेती योग्य स्थानमा महोत्सव लगाउनुको सट्टा आगामी दिनमा उचित स्थान छनोट गरेर मेला आयोजना गर्न पनि पत्रकार महासंघका अध्यक्ष गणेश खनालले सुझाव दिएका छन ।

सदरमुकामको बिचमा रहेको फाटलाई नमुनायोग्य कृषि उत्पादनमा जोड्न मद्दत गर्दै आगामी दिनमा हुने महोत्सवको स्थान छनोट गर्दा कृषि उत्पादनमा अवरोध नहुने गरि छनोट गर्न पनि आवस्यक देखिन्छ ।

*समग्रमा मेला सफल *

विभिन्न आरोह अवरोह र कमजोरीका बाबजुद अर्घाखाँची महोत्सव २०८१ सफल देखिएको छ । पचासौ हजार दर्शक र अवलोकनकर्ताको भव्य उपस्थितिनै मेला सफलताको सुचक हो । मेला अवधी भर कुनै अप्रिय घटना घटेनन । शान्ति सुरक्षाको लागि जिल्लाको सुरक्षा निकायले अथक मेहनत गरि उत्कृष्ट सुरक्षा प्रदान गर्नु आफैमा प्रशंसा योग्य छ ।

मेलामा अर्घाखाँची जिल्लाभर सहित छिमेकी जिल्ला प्युठान र गुल्मी बाटपनी मानिसहरु सहभागी भएर मनोरंजन सहित आवस्यक सामाग्रीहरु किनमेल गरे ।
देशमा ब्यप्त आर्थिक मन्दिको बेला पनि ४ करोड बढिको कारोवार भएको आयोजकले बताउनुले स्थानियहरुले महोत्सवको भरपुर सदुपयोग गरेको महशुश गर्न सकिन्छ ।

महोत्सवमा सहभागिहरुले सांगीतिक मनोरंजन सहित अधिकाशं लत्ताकपडा खरिद गरेको देखियो । सस्तो मुल्यमा लत्ताकपडा किन्न पाउँदा स्थानियहरु धेरै खुशी देखिए ।
भर्खरै सम्पन्न महोत्सवमा जे जसो भएको भएता पनि आगामी दिनहरुमा थप सुधार र परिस्कृत गर्दै गएमा उत्कृष्ट महोत्सव आयोजना गर्न उधोग वाणिज्य संघ अर्घाखाँची सफल हुने देख्न सकिन्छ ।

थप तस्बिर :