-गोपाल प्रसाद भट्टराई
माघ–१४, अर्घाखाँची।
अर्घाखाँची। अर्घाखाँचीको भूमिकास्थान नगरपालिकाका प्रमुख प्रशासकिय अधिकृत जग्दीशचन्द्र नेपालीले नागरिकको सेवाप्रवाहलाई सहज र पार्दशितालाई ध्यान दिन मातहतका कर्मचारीलाई निर्देशन दिनुभएको छ ।
भूमिकास्थान–७ र ८ मा रहेका वडा कार्यालय, विद्यालय, स्वास्थ्यचौकी सहितका कार्यालयमा छड्के अनुगमन गर्दै प्रमुख प्रशासकिय अधिकृत नेपालीले यस्तो निर्देशन गर्नुभएको हो ।
नगरवासीले स्थानिय सरकारको अनुभुती गर्ने गरि कार्यसम्पादन गर्न मातहतका कर्मचारीलाई उहाँको निर्देशन छ । “सर्वसाधारणलाई नगरबाट दिइने सेवालाई सहज र सरल रुपमा प्रदान गर्दै लक्ष्य भेट्ने गरि काम गर्नुस ।” प्रमुख प्रशासकिय अधिकृत नेपालीले भन्नुभयो,“ शिक्षामा सिकाईको गुणस्तर वृद्धि गर्ने, स्वास्थ्यमा सेवालाई सहज बनाउने र प्रत्येक कार्यालयको सेवाप्रवाहलाई पार्दशी बनाउने हाम्रो जिम्मेवारी हो ।” अनुगमनको क्रममा पालिकाको आन्तरिक आय निकै कमि भएको जनाउँदै उहाँले राजश्व संकलनमा बिशेष ध्यान दिनपनि आग्रह गर्नुभएको छ ।
ढुङ्गा, गिट्टी, बालुवा तथा अन्य विभिन्न बस्तु एवं् पदार्थको अवैध निकासी रोक्न सचेत हुनपनि प्रमुख प्रशासकिय अधिकृत नेपालीको आग्रह छ । अनुगमनमा जाँदा स्थानिय नागरिक तथा सरोकारवालाले खुसी व्यक्त गर्दै नियमित निगरानीका लागि अपिल समेत गरेका छन् ।
सिमित स्रोत साधनको बावजुत पनि वडातहमा रहेका कार्यालय, स्कुल र संस्थामा खट्ने कर्मचारीको भूमिका राम्रो भएको दाबी गर्दै प्रमुख प्रशासकिय अधिकृत नेपालीले जनताको गुनासो सुन्ने र समस्याको हल गर्नेगरि काम गर्नपनि आग्रह गर्नुभएको छ ।
पछिल्लो समय भूमिकास्थान नगरपालिकाले शिक्षाको गुणस्तर वृद्धिका निम्ती शिक्षकलाई बिशेष तालिम दिने, स्वास्थ्य सेवालाई सहज बनाउन स्वास्थ्य शिविर संचालन गर्ने, नागरिकका सेवा र नगरविकासका कामलाई गति प्रदान गर्न वडातहमै पुगेर योजना सम्झौता गर्ने जस्ता कार्यहरु गर्दै आइरहेको छ ।