फाल्गुन ४ गते, २०८१ मा प्रकाशित
-अनिल नेपाली ।
कपिलवस्तु – कपिलवस्तु शिवराजमा सञ्चालित तीन दिने पत्रकारिता तालिम आज एक समारोहबीच समापन भएको छ ।
दलित पत्रकार संघको आयोजनामा फागुन १ गतेबाट सुरु भएको तालिमा जिल्लाका दश पालिकाका २४ किशोर किशोरी सहभागि भएका थिए ।समापन कार्यक्रममा बोल्दै विजयनगर गाउँपालिकाका अध्यक्ष गोपाल बहादुर थापाले सत्य तथ्यका आधारमा पत्रकारिताका गर्नुपर्ने बताए ।
जनप्रतिनिधिहरुलाई खबरदारी गर्ने र राम्रा कामको जनतामाझ लैजाने जिम्मेवारी पत्रकारहरुको रहेको समाचार लेख्दा संवेदनशिल हुनुपर्ने बताए ।
तीन दिन सम्म चलेको तालिमले पत्रकारहरूको दक्षता अभिवृद्धिमा टेवा पुर्याउने विश्वास व्यक्त गरेका थिए कार्यक्रममा राष्ट्रिय मुक्ति पार्टीका केन्द्रिय सदस्य रविदत्त मिश्राले पत्रकार समाजको ऐन रहेको बताए । पत्रकार राष्ट्रिको चौथो अंग रहेकोले सरकारले गरेका हरेक कामलाई निगरानी गर्नुपर्ने बताए ।
तालिममा सिकेका कुरालाई व्यवहारमा उतार्नुपर्ने बताउँदै नव आगन्तुक पत्रकारहरुलाई सफलताको कामना गरे ।कार्यक्रममा दलित पत्रकार सघका केन्द्रिय सदस्य चिन्ता परियारले तालिममा आधारभूत कुराहरु सिकेपनि यो पूर्णता नभएको बताए ।
पत्रकारीता धेरै अध्ययन आवश्यक रहने भएकोले क्षमता विकास सगै अध्ययन गर्न सुझाव दिए ।
कार्यक्रममा दलित पत्रकार सघ लुम्बिनी प्रदेश सचिव अनिल नेपाली पत्रकार महासघ कपिलवस्तु सचिव सनिउल्लाह धाेवी प्रेस चाैतारी कपिलवस्तुका अध्यक्ष बाबुराम रायमाझी लगायतले कार्यक्रममा शुभकामना मन्तब्य राख्नु भएको थियोे ।
तीन दिन सम्म संचालन गरेको तालिमले दलित पत्रकारहरु क्षमता विकास र कपिलवस्तुमा सबै पालिकामा पत्रकारीतालाई मजबुत बनाउने संघका अध्यक्ष सम्भु विकले बताए । सम्भु विकको अध्यक्षता ,जिल्ला सचिव सागर सुनारको संचालनमा सम्पन्न भएको हो ।
अन्य समाचारहरु
