फाल्गुन ४ गते, २०८१ मा प्रकाशित
-धमेन्द्र चौधरी ,कपिलबस्तु ।
कपिलबस्तु । नेकपा (एमाले) जिल्ला कमिटी कपिलवस्तु जिल्लामा जरा केन्द्रित अभियान मार्फत हरेक घर घरमा पुग्ने तयारीमा जुटेको छ । पार्टि जिल्ला कमिटिको द्रोस्रो बैठकले पार्टिलाई हरेक मतदाताको घरघरमा जोड्ने गरि ३ महिना सम्म अभियान संचालन गर्ने निर्णय गरेको छ ।
बैठकमा सम्वोदन गर्दै प्रमुख अतिथि पार्टि केन्द्रीय सदस्य तथा भुमि व्यवस्था तथा सहकारी मन्त्रि बलराम अधिकारीले पार्टिलाई माथी पुर्याउन कामका जिम्मेवारीलाई लिनुपर्ने बताए । कपिलवस्तुलाई केन्द्रले हेर्ने नजर पहिलेको तुलनामा धेरै फरक भएको बताए ।
जिल्लाले केन्द्रमा आफ्नो विश्वास राख्न सक्ने भएकाले त्यसलाई कायम राख्न जरुरी रहेको बताए । फरक प्रंगमा बोल्दै अधिकारिले जनता सङ बोलेको कुरा पूरा गर्ने बेला बिरोध गर्न नमिल्ने बताए । चुनावका समयमा जनतालाई भुमी सम्बन्धि समस्या समाधान गर्छु भन्दै भोट लिने अहिले विधेकको विरोध गर्न नमिल्ने बताए ।
भुमिहिन सुकुम्बासीलाई जग्गा सरकारले दिने कुरामा विश्वस्त रहन आग्रह गरे । अव्यवस्थित बसोबास गरिरहेका जनतलाई हटाउन नसकिने हुदा केही कर लिएर यसको व्यवस्थापन सरकारले गर्ने बताए ।
बैठकमा जिल्ला ईन्चार्ज गिरिधारीलाल न्यौपानेले नेकपा एमालेले गरेका काम जनताका बिचमा राखेर जनतलाई सोध्यो भने पनि जनताले खुलेरै भन्न सक्ने हुदा एमालेलाई सिध्याउन खोज्ने गिरोह सफल नहुने बताए ।
एमालेलाई गरिब जनता संगको सवाल भएको हुदा यसले जनताको हितमा निरन्तर काम गर्दै आएको छ । अहिले एमालेले भुमि सम्बन्धी समस्या समाधान गर्यो भने पुन जनता एमालेमय हुने हुदा यसको विरोधमा लागेको बताए । उनले जनतालाई आलोचना गरेर होइन जनताको राम्रो कामको प्रशम्सा गरेर जनतालाई एमाले बए बनाउन सके ८४ मा चुनाव जित्न सकिनेमा जिकिर गरे ।
केन्द्रिय सदस्य सुशील कुमार श्रिवातस्वले एमाले नेतृत्वको सरकारले गरेका राम्रो कामको प्रचार भएको बताउनु भयो । पार्टि केन्द्रीय निर्वाचन आयोग सदस्य झविलाल प्रोख्रेलले भुमिहिनका समस्या समाधानमा लागि पार्टिले गरेका योगदानको चर्चा गर्नु भएको थियो । प्रदेश सदस्य डम्मर शर्माले अभियानले जनता सँग अन्तरकृया गरि रचनात्मक सुझाव ग्रहण गरि लागू गर्ने बताउनु भयो ।
दोस्रो बैठकले फागुन ७ गते विजयनगरमा हुने जिल्ला स्तरीय प्रशिक्षणमा जिल्ला कमिटि, पालिका कमिटिका पदाधिकारी र जन संगठनका जिल्ला पदाधिकारी र सो भन्दा उपल्लो कमिटिलाई सहभागी गराउने निर्णय भएको जिल्ला अध्यक्ष बाबुराम खनालले बताउनु भयो ।
एमाले जिल्ला सचिव सिबि गहतराजले जिल्ला कमिटिमा २८ जना सदस्य मनोनित गरिएको बताउनु भयो । बैठकमा १० पालिकाका अध्यक्षले वडा तथा टोल कमिटि गठन भएको रिपोटिङ गरेका थिए ।
अन्य समाचारहरु
