फाल्गुन ७ गते, २०८१ मा प्रकाशित
भैरहवा, फागुन ०६ । राज्यको हरेक तहमा मुलुकको विकासका लागि महिलाहरु पुग्नैपर्ने र महिलाहरुको अर्थपूर्ण सहभागीता आवश्यक रहेको अन्तरपुस्ता महिलावादी मञ्चकी सदस्य तथा नमुना एकीकृत विकास परिषद् रुपन्देहीकी संस्थापक ज्ञानु पौड्यालले बताएकी छन् ।
आइतबार विभिन्न संघ संस्थाका १८ महिलाहरुलाई अभिमुखीकरण अर्थात देशव्यापी महिलावादी अनुपम अभियानको बारेमा तालिम दिदै उनले भनिन्, ‘यो स्वयंसेवी अभियान हो । स्वेच्छाले सहभागीता भएको हो । सामूहिक जागरण अभियान हो । शान्तिपूर्ण अभियान सुरुवात भएको हो । महिलाले घर राम्रोसँग चलाउन सक्छन् भने देश पनि चलाउन सक्छन् भन्ने सन्देश हो ।’
“राज्यको हरेक तहमा अहिले महिलाहरुलाई ३३ प्रतिशत शुनिश्चितता भनेको छ तर भन्ने हो भने ५० प्रतिशतको कुरा हो, महिलाहरुले गर्न नसक्ने होइन अवसर पायो भने महिलाहरुले गर्न सक्छन । ” अभियानता पौडेलको भनाई छ ।
खासगरी यो अभियानले न्यायिक समतामूलक समाज निर्माण गर्न टेवा पु¥याउने लक्ष्य लिएको छ, जहाँ महिलाको अर्थपूर्ण सहभागिता रहने अभियान्ता पौडलकको भनाई छ । यतिबेला सातवटै प्रदेशमा प्रदेश प्रमुख पुरुष छन् भने राष्ट्र सञ्चालनका प्रमुख पद प्रधानमन्त्रीको जिम्मेवारीमा पनि सधैं पुरुषले नै स्थान लिएका छन्।
राष्ट्रपति र उपराष्ट्रपति जस्तो सर्वोच्च पदमा पुरुष–महिलाको वैकल्पिक सिट र संसदको उपप्रमुख ९माथिल्लो र तल्लो सदन दुवै०, मेयर र उपमेयर जहाँ दुईमध्ये एक महिला हुनुपर्छ भन्ने व्यवस्थालाई कानुनमा छिद्र खोजेर ‘गठबन्धन’ प्रक्रियाबाट र ‘वा’ जस्ता शब्दावली प्रयोगले महिलाको राजनीतिक सहभागितालाई पाखा लगाउने काम भएको छ।
यही कुरालाई मध्यनजर गर्दै अन्तर–पुस्ता महिलावादी मञ्चको नेतृत्व तथा अनुपम अभियानको सहकार्यमा आउँदो २०८४ को निर्वाचनमा महिला नै पहिला भन्ने उद्देश्यअनुसार २०८० देखि २०८४ सम्मका लागि अनुपम अभियान सुरु गरिएको हो।
राज्यका हरेक निर्णायक तहमा ‘महिला नै पहिला’ भनेर अनुपम यात्रा देशव्यापी अभियान सुरु भएको हो। महिलावादी मञ्च गठन गरी पूर्व मेची र पश्चिम महाकालीबाट सुरु गरेर हरेक जिल्लामा बस, पैदल, टेम्पु यात्रा गर्दै विभिन्न स्थानीय तहका वडासम्म अभियान अगाडि बढाइएको छ।
अन्य समाचारहरु
