फाल्गुन ८ गते, २०८१ मा प्रकाशित
-बालाराम शेर्पाली / रुकुमपूर्व
म्युजिक भिडियोमा राज सेन ठकुरीको दमदार अभिनय
रुकुमपूर्वको पुथा उत्तरगंगा गाउँपालिका वडा – ६ मयाङमा जन्मिएका लोकप्रिय गायिका पूर्णिमा सेन ठकुरीको नयाँ गित सार्वजनिक भएको छ। गायिका सेन ठकुरीको लय र शब्दमा तयार पारिएको ‘नानिला बोलको गीत सार्वजनिक भएको हो।
गीतमा रुकुमपूर्वको मयाङ,हुकाम,रन्मा र मैकोट लगायतको विभिन्न गाउँहरुमा पुर्खाले गाउँदै आएका मौलिक लोकभाव झल्किने शब्द र संगीत समेटेर नानिला बोलको गित तयार पारिएको गायिका सेनले जानकारी दिनु भएको छ।
गयिका सेन ठकुरीको जन्म ठलो मयाङ गाउँमा म्युजिक भिडियो आकर्षक ढंगले प्रस्तुत गरिएको छ।जस्ले रुकुमपूर्वमा लुकेर रहेका संस्कृतिको झल्को दिएको छ।भर्खरै बजारमा आएको नयाँ गीत ‘नानिला बोलको गीतले परम्परागत संस्कृतिलाई झल्काएको छ।
उक्त गीतको म्युजिक भिडियोमा आफ्नै गाउँको परिवेश र मौलिक पहिरनलाई विशेष प्राथमिकता दिइएको छ।भने म्युजिक भिडियोमा गायक कुमार पुन,पूर्णीमा सेन ठकुरी र पिम्सरा आले मगरको आवाज रहेको छ ।प्रकाश दुरा,रिया बलामी र राज सेन ठकुरीले अभिनय गर्नु भएको छ।
नानिला बोलको म्युजिक भिडियोमा मुख्य भूमिका निभाएका राज सेन ठकुरीले भिडियोमा अभिनय गर्न पाउँदा निकै उत्साहित भएको बताउनुभयो।आफ्नै जन्म स्थानको सस्कृतिलाई गीत मार्फत बाहिर ल्याउन पाउँदा पुर्खाले चलाएका सस्कृति लोप नहुने बताउनु भयो।
गायिका सेनको शब्द र लयले गीतमा राज सेन ठकुरीको दमदार अभिनयले म्युजिक भिडियोलाई प्रभावशाली बनाएको छ।उक्त गीत र म्युजिक भिडियोमा पुथा उत्तरगंगा गाउँपालिकाको वडा नम्बर ३ मा रहेको सुनदह, वडा नम्बर १ को पुथा हिमाल, यस्तै वडा नम्बर ६ को तातो पनी, वडा नम्बर ५ को जल्पा नम्सै गो ताल लगायत विभिन्न पर्यटकिय स्ठलहरुको दृष्यहरु समितिएको छ।
अन्य समाचारहरु
