फाल्गुन १८ गते, २०८१ मा प्रकाशित
काठमाडौं । अब १८ वर्ष पूरा नगरेका व्यक्तिहरूलाई मोटरसाइकल र साना सवारीका लागि चालक अनुमतिपत्र (ड्राइभिङ लाइसेन्स) नदिइने भएको छ । भौतिक पूर्वाधार तथा यातायात मन्त्रालयले तयार पारेको ‘सवारी तथा यातायातको सम्बन्धमा व्यवस्था गर्न बनेको विधेयक, २०८१’ अनुसार अब १८ वर्षभन्दा कम उमेर भएका व्यक्ति सवारी साधनको लाइसेन्सका लागि अयोग्य ठहरिनेछन् ।
यसअघि १६ वर्ष पुगेपछि साना र तीन पाङ्ग्रे सवारीको लाइसेन्स पाइन्थ्यो । प्रस्तावित विधेयकमा ठूला सवारीको लाइसेन्स पाउन २३ वर्ष मझौला सवारीको लाइसेन्स पाउन २१ वर्ष उमेर पूरा भएको हुनुपर्ने उल्लेख छ ।
नयाँ विधेयकले व्यावसायिक सवारी चालक अनुमतिपत्रको लागि आठ कक्षा पास अनिवार्य गरेको छ । यसअघि व्यावसायिक लाइसेन्सका लागि शैक्षिक योग्यता तोकिएको थिएन । – TP
अन्य समाचारहरु
