चैत्र ६ गते, २०८१ मा प्रकाशित
काठमाडौं । नेपाली कांग्रेसका सभापति शेरबहादुर देउवाले बहुमत ल्याउन कुनै न कुनै पार्टीसँग मिल्नु पर्ने बाध्यता रहेको बताएका छन् ।
पार्टी केन्द्रीय कार्यालय सानेपामा बुधबार आयोजित कार्यक्रममा सभापति देउवाले संवैधानिक व्यवस्थाका कारण कुनै एक दलले बहुमत ल्याउन नसक्ने भन्दै गठबन्धनलाई बाध्यता भनेका हुन् ।
संविधानको यही व्यवस्थाको कारण धेरै मेहनत गर्दा पनि कांग्रेसले बहुमत ल्याउन नसकेको उनले बताए ।
‘कुनै पनि पार्टीको बहुमत आउन धेरै गाह्रो छ । त्यसैले कुनै न कुनै पार्टीसँग मिल्नुपर्ने आवश्यकता छ,’ उनले भने, ‘त्यसैले हाम्रो पार्टीले धेरै मेहनतका बाबजुद बहुमत ल्याउन सकेको छैन । सबैभन्दा ठूलो पार्टी बन्न सफल भएको छ ।
उनले कुनै पनि दलको बहुमत नआउनुमा पार्टीको दोष नभई संविधानमा रहेको व्यवस्थालाई कारण बताए । तै पनि जुझारु भएर बहुमत ल्याउने प्रयत्न गर्नुपर्ने उनले बताए ।
अन्य समाचारहरु
