चैत्र ८ गते, २०८१ मा प्रकाशित
-रुद्रमणि भुसाल
चैत्र ८ अर्घाखाँची ।
अर्घाखाँची – अर्घाखाँचीको सन्धिखर्क टुँडिखेलमा भएको लुम्बिनी प्रदेशस्तरीय मुख्यमन्त्री कप पुरुष भलिबल प्रतियोगिताको उपाधी गुल्मीले हात पारेको छ ।
सन्धिखर्क टुडिखेल मैदानमा आज सम्पन्न भएको प्रतिष्प्रधात्मक फाईनल खेलमा पाल्पालाई पराजित गर्दै गुल्मीले उपाधी हात पारेको हो । अर्घाखाँचीलाई पराजित गर्दै नवलपरासी तृतीय भएको प्रतियोगितामा लुम्विनि प्रदेशका ११ जिल्लाको सहभागिता रहेको थियो।
भलिबल खेलमा प्रथम हुनेलाई १ लाख नगद ट्रफी र मेडल, द्वितीय पुरस्कार ६५ हजार, तृतीय पुरस्कार ३५ हजार, सान्त्वना पुरस्कार १५ हजार लुम्बिनी प्रदेशका भौतिक पूर्वाधार विकास मन्त्री भुमिश्वर ढकालले प्रदान गनु भएको थियो ।
सर्वोत्कृष्ट खेलाडीलाई नगद १० हजार र उत्कृष्ट ६ विधामा जनही ५ हजार रुपैयाँ प्रदान गरिएको सन्धिखर्क नगरपालिका प्रमुख कृष्ण प्रसाद श्रेष्ठले जानकारी दिनु भयो ।
पुरस्कार बितरण कार्यक्रममा जिल्ला समन्वय समितिका प्रमुख जीबनारायण कोइराला , सन्धिखर्क नगरपालिका उपप्रमुख मिश्रा आचार्य , पाणिनी गाउँपालिका अध्यक्ष टेकराज न्यौपाने ,प्रमुख जिल्ला अधिकारी बाबुराम अर्याल, लगायतको उपस्थिति रहेको थियो । प्रतियोगिता बसन्त श्रेष्ठको संचालनमा सम्पन्न भएको हो ।
अन्य समाचारहरु
