चैत्र ११ गते, २०८१ मा प्रकाशित
-रुद्र मणी भुसाल / केशब पन्थि , सन्धिखर्क अर्घाखाँची।
अर्घाखाँची – सुरक्षित आप्रवासन सामी कार्यक्रम अन्तरगत अन्तर सरकार समन्वय बैठक तथा अन्तरक्रिया कार्यक्रम आज सन्धिखर्कमा सम्पन्न भएकाे छ।
स्वदेशमानै रोजगारी गरौ, बैदेशिक रोजगारीमा जाने भए सही सुचना लिएर र सीप सिकेर मात्र जाऔ भन्ने नाराका साथ सुरक्षित आप्रवासन (सामी) कार्यक्रमको आयेजनामा अन्तर सरकार समन्वय बैठक तथा अन्तरक्रिया कार्यक्रम अर्घाखाँचीको सन्धिखर्कमा सम्पन्न भएको छ।
कार्यक्रमको उद्धाटन गर्दै जिल्ला समन्वय समितिका प्रमुख जीवनारायण कोइरालाले बर्षौ विदेशमा पसिना बगाएर घरमा आउदा अर्कैले कमाएको रकम खाइदिएपछि मानिसहरु डिप्रेसनमा जाने, सम्बन्ध बिच्छेद गर्ने र केहीले आत्म हत्या समेत गर्ने गरेका घटनाहरु बढेको बताउनुभयो। यस्ता घटना न्युनीकरण गर्न सबै सरकारले ध्यान दिनु पर्ने बताउनुभयो ।
बिदेशिने क्रममा दलालहरुबाट ठगिएका विभिन्न घटनाहरु बढी रहेकोले सुरक्षित र लिगल प्रकृयाबाट मात्र विदेश जान गाउँगाउँमा सचेतना अभियान सञ्चालन गर्नुपर्ने प्रमुख जिल्ला अधिकारी बाबुराम अर्यालले बताउनु भयो ।
विदेशबाट पठाएको रकम विलासितामा बढी खर्च भएको तथा सही सदुपयोग नभएकोले यस तर्फ सबैले ध्यान दिनु पर्ने सन्धिखर्क नगरपालिकाका प्रमुख प्रशासकीय अधिकृत खिमानन्द भुसालले बताउनुभयो ।
कार्यक्रममा प्रमुख जिल्ला अधिकारी बाबुराम अर्याल, लुम्बिनी प्रदेश उद्योग पर्यटन तथा यातायात मन्त्रालयका अधिकृत प्रदिप खनाल, सामी कार्यक्रमका अधिकृत विष्णु अर्याल, स्वास्थ्य मन्त्रालयका सागर आचाय लगायत चार जनाले विभिन्न विषयमा कार्यपत्र प्रस्तुत गर्न भएको थियो।
कार्यक्रम सन्धिखर्क नगरपालिकाका प्रमुख प्रशासकीय अधिकृत खिमानन्द भुसालको अध्यक्षता, सामी कार्यक्रमका जिल्ला संयोजक बसन्त श्रेष्ठको स्वागत मन्तव्य र परामर्सकर्ता अम्बिका श्रेष्ठको सञ्चालनमा सम्पन्न भएको थियो।
थप तस्बिर:
अन्य समाचारहरु
