चैत्र १९ गते, २०८१ मा प्रकाशित
मुम्बई, १९ चैत । ‘पुष्पा २’ को सफलतापछि अल्लु अर्जुन निकै खुसी रहेका छन् । यस फिल्मको शानदार बक्स अफिस प्रदर्शनले रेकर्ड मात्र तोडेको छैन तर अल्लु अर्जुनलाई भारतको सबैभन्दा शक्तिशाली स्टारहरू मध्ये एकसमेत बनाइसकेको छ ।
निर्देशक सुकुमारको उत्कृष्ट निर्देशन र अल्लु अर्जुनको उत्कृष्ट अभिनयले नयाँ मापदण्ड बनाएको छ, जुन अहिले धेरै फिल्मले हासिल गर्न खोजिरहेका छन् ।
यसैबिच, अहिले सुपरस्टारले आफ्नो नाम परिवर्तन गर्ने सोच बनाएको चर्चा चलेको छ । इमोई र सिने जोशका रिपोर्टका अनुसार अल्लु अर्जुनले अंक ज्योतिषको फारिसमा आफ्नो नाममा दुई ‘यु’ र दुई ‘एन’ थप्ने सम्भावना खोजिरहेका छन्।
उनको सफलतालाई अझै बढाउन र करियरलाई मजबुत बनाउन यो कदम चालिएको मानिन्छ । यद्यपि यी दाबीहरूको आधिकारिक पुष्टि भने भएको छैन।
अल्लु अर्जुन आफ्ना आगामी प्रोजेक्टका लागि पनि चर्चामा छन् । उनको सबैभन्दा प्रतिक्षित चलचित्रहरू मध्ये एक एटली द्वारा निर्देशित पान–भारत चलचित्र हो।
‘एए २२’ नामको फिल्म अल्लु अर्जुनको जन्मदिन अर्थात् अप्रिल ८ मा घोषणा गरिने बताइएको छ । पिंकभिलाको रिपोर्ट अनुसार अभिनेताले यस परियोजनाको लागि ठूलो शुल्क लिएका छन्।
यसबाहेक अल्लु अर्जुन निर्देशक त्रिविक्रम श्रीनिवाससँग एपिक प्रोजेक्टमा काम गरिरहेका छन् । यो उनीहरुको सँगै चौथो फिल्म हो र यो फिल्ममा अल्लु अर्जुन भगवान कार्तिकेयको भुमिकामा देखिने चर्चा रहेको छ ।
निर्माता नागा वाम्सीले एक कार्यक्रममा यो प्रोजेक्ट एपिक विधाको रहेको र यो रामायण र महाभारत भन्दा फरक हुने बताए ।
यो फिल्म ठूलो स्केलमा बनाइँदैछ, जुन तेलुगु सिनेमामा अहिलेसम्म देखिएका कुनै पनि कुराको विपरीत सिनेमाई अनुभव हुनेछ। फ्यानहरु पनि अल्लु अर्जुन र सुकुमारको ‘पुष्पा ३’ को प्रतिक्षामा पनि उत्तिकै रहेका छन् ।
अन्य समाचारहरु
