चैत्र २३ गते, २०८१ मा प्रकाशित
-गोपाल प्रसाद भट्टराई ,अर्घाखाँची।
अर्घाखाँची – धारापानीमा सम्पन्न खुल्ला वडास्तरिय भलिबलको उपाधि मालारानी–८ ले जितेको छ ।
भलिबलका खेल प्रतिभालाई प्रष्फुटन गर्न भूमिकास्थान नगरपालिका ४ नम्बर वडा कार्यालयले आयोजना गरेको प्रतियोगितामा आयोजक धारापानीलाई पराजित गर्दै खुल्ला वडास्तरिय भलिबलको उपाधि हंशपुरले चुमेको हो ।
भूमिकास्थान–४ को टीमलाई ३÷० को सोझो सेटमा पराजित गर्दै मालारानी–८ ले उपाधि उचालेको हो । उपाधिसँगै हंशपुरले नगद रु.३० हजार र ट्रफी हात पारेको छ । प्रतियोगितामा आयोजक धारापानी द्धितिय भएको छ । भने भूमिकास्थान–३ को भलिबल टिम तृतिय भएको छ ।
भूमिकास्थान–३,धारापानीले सन्धिखर्क–८ लाई २÷० को सोझो सेटमा पराजित गर्दै तेस्रो भएको हो । प्रतियोगितामा द्धितिय स्थान हाँसिल गर्ने भूमिकास्थान–४ र तेस्रो भएको भूमिकास्थान–३ ले क्रमशः नगद रु.२० हजार र १० हजार संगै ट्रफी हात पारेका छन् ।
प्रतियोगितामा प्रथम हुने मालारानी–८ को टिमका खेलाडी अनिष पाण्डे उत्कृष्ट खेलाडी घोषित हुनुभएको छ भने सन्धिखर्क–७ खाँचीकोटका खेलाडी मिशन खड्का अनुशासित खेलाडी घोषित हुनुभएको छ ।
भलिबल प्रतियोगिताको उद्घाटन शत्रमा भूमिकास्थान नगरपालिकाका उप–प्रमुख बालकृष्ण बन्जाडे, प्रमुख प्रशासकिय अधिकृत जग्दीशचन्द्र नेपाली र भूमिकास्थान–४ का वडाध्यक्ष बाबुराम पन्थीले खेलले स्वास्थ्य, पहिचान र समृद्धिमा सकरात्मक भूमिका निभाउने बताउनुभएको छ ।
खेल र खेलको विकासका लागि आफुहरुले सक्दो सहयोग गर्ने पनि उहाँहरुको वचन छ । ३ दिनसम्म चलेको प्रतियोगितामा जिल्लाका विभिन्न वडाका १९ वटा टिमले भाग लिएको वडा सचिव निलम शाहीले जानकारी दिनुभएको छ ।
भलिबल खेललाई प्रोत्साहन गर्न, खेलाडीलाई अवसर प्रदान गर्न यो प्रतियोगिताको आयोजना गरिएको वडाध्यक्ष पन्थीको भनाई छ ।
थप तस्बिर:
अन्य समाचारहरु
