चैत्र २४ गते, २०८१ मा प्रकाशित
अर्घाखाँची । अर्घाखाँचीको मालारानी गाउँपालिका ३ ढुङ्गाडेमा जिप दुर्घटना हुँदा २ जनाको मृत्यु भएको छ भने २ जना घाइते भएका छन् ।
आज बिहान साढे तीन बजेतिर लुटीपोखरी–खनदह भित्री सडकखण्डमा लु २ च २९९० नम्बरको सिङ्गल क्याब जिप दुर्घटना हुँदा दिलिप खनाल र बालकृष्ण रिजालको मृत्यु भएको जिल्ला प्रहरी कार्यालय अर्घाखाँचीले जनाएको छ ।
प्रहरीका अनुसार दुर्घटनामा गम्भीर घाइते भएका दुवैलाई उपचारका लागि जिल्ला अस्पताल सन्धिखर्क लगिएकोमा बिहान ५ः५५ बजे चिकित्सकले मृत घोषणा गरेको प्रहरीले जनाएको छ ।
अन्य २ जना वर्ष १७ का वसन्त पोखरेल र भुवन पोखरेललाई थप उपचारका लागि बुटवल रिफर गरिएको छ । जिप सडकबाट करिब २०० मिटर तल खसेको छ ।
अन्य समाचारहरु
