बैशाख १२ गते, २०८२ मा प्रकाशित
मुम्बई, ११ वैशाख । अन्ततः बलिउड सुपरस्टार आमिर खानले पौराणिक फिल्म महाभारत बनाउन लागेको जनाएका छन् ।
लामो समयदेखि महाकाव्य ऐतिहासिक कथा महाभारतलाई ठूलो पर्दामा ल्याउने प्रयासमा उनी लागेको भए पनि थप अपडेट दिएका थिएनन तर वर्षौंको योजनापछि अभिनेताले यसै वर्षदेखि नै यसमा काम सुरु गर्ने योजना बनाएको जनाएका हुन् ।
हलिउड रिपोर्टर इन्डियासँगको पछिल्लो अन्तर्वार्तामा दंगल स्टारले आफ्नो ड्रीम प्रोजेक्टको बारेमा केही अपडेटहरू सार्बजनिक गरेका छन् ।
जस अनुसार उनले निर्माताको रूपमा भुमिका निभाउने र अभिनय पनि गर्ने भएका छन । आफ्नो ठुलो महत्वाकांक्षा मध्येको एउटा चलचित्र महाभारतलाई यसै बर्षवाट सुटिङमा लैजाने पनि घोषणा गरेका छन् ।
उनका अनुसार यो चलचित्र धेरै भागमा बनाइनेछ । तर, निर्देशकको बारेमा सोध्दा उनले नाम भने तत्काल बताउन अस्वीकार गरेका छन । तर, सबै पार्ट एकै पटक फिल्म गर्ने योजना भएकाले धेरै निर्देशकले निर्देशन गर्न सक्ने उनको भनाई रहेको छ ।
तर, यसै बर्ष सुटिङ सुरू गरे पनि फिल्मलाई फ्लोरमा लैजान भने केही वर्ष लाग्ने आमिरले बताएका छन् । अमिरका अनुसार महाभारत परियोजना १००० करोडभन्दा बढीको ठूलो बजेटमा बनाइनेछ । अन्य कुनै पनि भारतीय फिल्ममा यति लगानी कहिल्यै नभएको दावी पनि उनले गरेका छन् ।
यसैबीच, आमिर आफ्नो बहुप्रतिक्षित फिल्म ‘सितारे जमीं पर’ को रिलिजको लागि तयारी गरिरहेका छन्, जुन स्पेनिश फिल्म च्याम्पियन्स (२०१८) को हिन्दी रूपान्तरण हो। आर एस प्रसन्नाले निर्देशन गरेको यो चलचित्र यही वर्षको जुन २० मा रिलिज हुनेछ ।
साथै, अमिरले निर्देशक लोकेश कनागराज र सुपरस्टार रजनीकान्तको ‘कुली’ मा पनि केमियो भूमिका खेलेका छन्, जुन १४ अगस्टमा रिलिज हुने तय भइसकेको छ।
अन्य समाचारहरु
