आश्विन २४ गते, २०८० मा प्रकाशित
काठमाडौं । शनिबार हमासले गरेको आक्रमणमा ज्यान गुमाएका १० जना नेपाली विद्यार्थीको शव तत्काल नेपाल नआउने भएको छ । नेपालीहरूको उद्धारका लागि आज इजरायल जान लागेको जहाजले शवहरू नल्याउने भएको छ ।
विभिन्न प्रोटोकलहरू पूरा गर्नुपर्ने भएकाले आज जाने जहाजबाट शव ल्याउन सम्भव नभएको परराष्ट्र मन्त्रालयले जनाएको छ ।
‘ आज जाने जहाजले १० जनाको शव ल्याउँदैन । शव ल्याउन विभिन्न प्रोटोकल पूरा गर्नुपर्छ । परिवारले यो कुर बुझ्नुहुने छ, शव ल्याउन थप केहीदिन लाग्छ,’मन्त्रालयले आज गरेको पत्रकार सम्मेलनमा बोल्दै प्रवक्ता सेवा लम्सालले भनिन् ।
विद्यार्थीलाई प्राथमिकता दिएर पहिले स्वदेश फर्काउने लम्सालले बताइन्। इजरायलमा २२५ जना विद्यार्थी रहेको पनि लम्सालले पत्रकार सम्मेलनमा बताइन्।
अन्य समाचारहरु
