पौष ५ गते, २०६७ मा प्रकाशितअखाँटा-यूएई डेस्क – अर्घाखाँचीको चाक्ला सिवादह तथा ठाडा सिवादहमा बस सञ्चालन गर्ने विषयमा विवाद भएको छ । ती बाटाहरुको गन्तव्य स्थान एउटै भए पनि कुन ठाउँबाट मोटर चलाउने भन्नेमा दई रुटबीचका स्थानीय बासिन्दाबीच विवाद भएको हो । विवादका कारण अहिले ती क्षेत्रमा बस सञ्चालन हुन सकेको छैन । सो क्षेत्रमा गत वर्षपश्चिम नेपाल बस व्यवसायी समिति बुटवलले बस सञ्चालन गरेको थियो ।
समितिले सुरुमा चँक्लाबाट गल्दा, जुकेना हुँदै बस सिवादह पठाए पनि पछि रुट परिवर्त गरी बस ठाडाबाट पोखेडाँडा, जुकेना हुँदै सिवादह पठाउन लागेपछि विवाद सिर्जना भएको हो । समितिले चाक्ला गल्दाको बाटो राम्रो नभएको भन्दै रुट परिवर्तन गरेको थियो । चाक्ला हुँदै गएको बस पछि अमराइबाट जान थालेपछि गल्दा, थारपाइला, धनचौरवासीले अवरोध पुर्याएका थिए । उनीहरुले बस चाक्ला हुँदै सञ्चालन हुनुपर्ने माग गर्दै आएका छन् । उनीहरुले चाक्ला हुँदै बस नगए गाडी चल्न नदिने अडानमा बसे पछि झण्डै डेढ हप्तायता दुबैतर्फाट बस सञ्चालन भएको छैन जसका कारण यात्रुहरु मर्कामा परेका छन् ।
गत वर्षबस चाक्ला हुँदै गए पनि अहिले समितिले समेत चाक्ला र गल्दाको बीचमा बाटो राम्रो नभएको भन्दै अमराइबाट सञ्चालन गरेको थियो । चाक्लाका स्थानीयवासी र व्यापारीह� सिवादहको लागि बस चाक्ला हुँदै जानुपर्ने अडानमा छन् भने ठाडा अमराइका व्यापारी तथा स्थिानीवासी अमराइबाटै बस सञ्चालन हुनुपर्नेमा छन् । दुबैतर्फाट बस चलाउँदा पर्ता नखाने भन्दै विवाद मिलाउन गएका पश्चिम नेपाल बस व्यवसायी समितिका पदाधीकारीहरुले दुबै पक्षलाई सुविधा हुने गरी बस सञ्चालन गर्ने बताएको छ ।
अन्य समाचारहरु
