अमेरिका भ्रमणमा रहेका चिनियाँ राष्ट्रपति हु जिन्ताओले चीनको सैन्य शक्तिले कुनै पनि राष्ट्रलाई खतरा नपार्नेे स्पष्ट पारेका छन्। भ्रमणको तेस्रो दिन अमेरिकी व्यापारी र वरिष्ठ नेताहरुसँगको भेटमा राष्ट्रपति हुले चीनले अन्य राष्ट्रमा सैन्य प्रभुत्व लाद्न नचाहेको पनि स्पष्ट पारे।
उनले आर्थिक र सुरक्षा मामलामा सहकार्य गर्न अमेरिकी अधिकारीसँग आग्रह गरेका छन्। शिकागो शहरको भ्रमणका क्रममा राष्ट्रपति हूले त्यहाँका नगरप्रमुख रिचार्ड डेले, प्रमूख व्यापारी र राजनीतिक दलका वरिष्ठ नेताहरुसँग पनि भेटघाट गरेका छन्। त्यसैगरी वाशिङ्टन डिसीमा जनरल इलेक्ट्रिक, कोकाकोला र बोइङ्ग कम्पनीका व्यापारीसँगको भेटमा हुले चीन शान्तिपूर्ण विकासको पथमा प्रतिबद्ध रहेको बताएका छन्।
अमेरिकी अधिकारीहरुले एशियामा चीनको प्रभावका विषयमा राखेको जिज्ञासामा राष्ट्रपति हूले ताइवान र तिब्बत सम्बन्धी मुद्धा चीनको सार्वभौमिकता र क्षेत्रीय अख48डता भएको बताए। ताइवान र तिब्बत मामला एक अर्ब तिन करोड चिनियाँ नागरिकको राष्ट्रिय भावनासँग जोडिएको मुद्धा भएको राष्ट्रपति हूको भनाइ थियो।
माघ ८ गते, २०६७ मा प्रकाशित
