चैत्र १४ गते, २०८० मा प्रकाशित
काठमाडौं । सोमबार दिउँसो सामूहिक तस्बिर खिच्ने भन्दै चिसापानीस्थित कर्णाली पुलबाट नदीमा हाम फालेकामध्ये ६ जनालाई प्रहरीले नियन्त्रणमा लिएको छ । उनीहरुलाई घटनाबारे सोधपुछका लागि नियन्त्रणमा लिइएको प्रहरीले जनाएको छ । उनीहरुलाई सोधपुछपछि मात्र घरपरिवारको जिम्मा लगाइने बताइएको छ ।
यस्तै बेपत्ता भएका लम्कीचुहा नगरपालिका–३ का ३० वर्षीय लोकेन्द्र शाहीको खोजी स्थगित गरिएको छ ।
मंगलबार दिनभर नेपाल प्रहरी, सशस्त्र प्रहरीको गोताखोरको टोली र स्थानीय समेतले खोजी गरेपनि उनी नभेटिएको प्रहरीले जनाएको छ । साँझ परेका कारण मंगलबारलाई खोजी कार्य स्थगित गरिएको इलाका प्रहरी कार्यालय चिसापानीले जनाएको छ ।
सोमबार होलीमा रमाइलो गर्दै कर्णाली पुलमा पुगेका १७ जना युवाले एकसाथ कर्णाली नदीमा हाम फालेका थिए । उनीहरु मध्ये १६ जना पौडी खेलेर सकुशल तैरिएपनि शाही भने नदीमै बेपत्ता भएका थिए ।
अन्य समाचारहरु
