जेष्ठ ४ गते, २०८१ मा प्रकाशित
-रुद्रमणि भुसाल।
जेठ ४, अर्घाखाँची । सालझण्डी सन्धिखर्क ढोरपाटन सडक आयोजनको बागलुङ जिल्लाको बुर्तिवाङ देखि ढोरपाटन शिकार आक्षण जोड्ने २२ किलोमिटर सडकको काम स्वछन्द्र ओमबुद्ध जे.बि कन्सक्ट्रसन निर्माण सेवाको ढिलासुस्तीका कारण सम्झौता अबधि सकिदा समेत सडक अलपत्र पारिदिदा स्थानिय जनप्रतिनिधि र राजनितिक दलहरु अकोर्षित हुदै सालझण्डी सन्धिखर्क ढोरपाटन सडक आयोजनालाई सडक निमार्णको काम तत्काल अघि बढाइ दिन ज्ञापन पत्र बुझाएका छन् ।
ढोरपाटन नगरपालिका काबा प्रमुख धन बहादुर कायतको नेतृत्वमा आएका जनप्रतिनिधि र बिधिन्न पाटीका प्रमुखहरुले बुर्तिबाङ देखि ढोरपाटन शिकार आक्षणसम्मको २२ किलोमिटर सडक निर्माण कम्पनीले अलपत्रपारिदा ढोरपाटन नगरपालिकाको कोबाङ ,अधिकारीटोल लगायतका २० हजार नागरिकले सास्ती भोग्नु परेको नेकपा माओबादी केन्द्रका नेता दिलिप कुमार थापाले बताउनु भयो ।
स्वछन्द्र ओमबुद्ध जे.बि कन्सक्ट्रसन निर्माण सेवाले निर्माण अबधि ३ वर्ष सकिदा सम्म पनि जम्मा ३० प्रतिशतमात्र काम गरेका तत्काल सडकको काम कि अघि बढाउन कि ठेक्का रद्ध गर्न सडक योजना प्रमुख अञ्जुपरियारलाई आग्रह गरेको बागलुङका एमाले नेता गणेश कुमार थापाले बताउनु भयो ।
ज्ञापनपत्र बुझ्दै सालझण्डी सन्धिखर्क ढोरपाटन सडक योजना प्रमुख परियालले निर्माण कम्पनीलाई पटक पटक ताकेता गरेपनि अटेर गर्ने र ढाट्ने गरेकाले काम हुन नसकेको बताउनु भयो ।
यता स्वछन्द्र ओमबुद्ध जे.बि कन्सक्ट्रसन प्रतिनिधि दिपेश लामाले जेठ १० गतेदेखि निरन्तर काम गर्ने टेलिफोनमा काबा नगरप्रमुख र ढोरपाटन सडक प्रमुखलाई प्रतिबद्धता ब्यक्त गनुभएको थियो ।
ज्ञापन पत्र बुझाउन बागलुङको ढोरपाटन नगरपालिकाका काबा प्रमुख धन बहादुर कायत,नेकपा एमालेका प्रतिनिधि गणेश कुमार थापा , नेकपा माओबादीका , भिम गौतम , दिलिप कुमार थापा , राष्ट्रिय जनमोर्चाका दिपक थापा , वडा अध्यक्षहरु भेक बहादुर खत्री , दिपेन्द्र पुन् , उमेश कुमार बुढा , स्थानीय रमबहादुर घर्ती लगायतको टोलीले बागलुङ जिल्लाको ढोरपाटनबाट सन्खिर्कमा आई सालझण्डी सन्धिखर्क ढोरपाटन सडक आयोजन प्रमुखलाई ज्ञापन पत्र बुझाएका हुन् ।
-एनपी
अन्य समाचारहरु
