आषाढ़ ३ गते, २०८१ मा प्रकाशित
-टेकराज भुसाल ।
अर्घाखाँची। धारापानी -रुपन्देही सम्पर्क मंचले ढाकावाङ्गका आगलागी पीडितलाई आर्थिक सहयोग गरेको छ। भूमिकास्थान नगरपालिका वडा नम्बर ३ र ४ साविक धारापानी गाविसबाट विभिन्न सिलसिलामा रुपन्देहीमा रहेकाहरु बीच खाेलिएकाे मंचले भूमिकास्थान-१ ढाकावाङ्ग साम्नेगाउका आगलागी पीडित टेकबहादुर थापालाई आर्थिक सहयोग गरेको हो।
आइतबार भूमिकास्थान नगरपालिका नगरस्तरीय युवा संजालका संयाेजक टेकराज भुसालले भूमिकास्थान-१ का वडा सदस्य मेघराज खनाल, गाेपाल नेपाली र बालशिक्षा माविका अध्यक्ष काशबहादुर गमाल लगायतको उपस्थितिमा समाजका आगलागी पीडित थापाको घरमै पुगी पीडितलाई धारापानी-रुपन्देही सम्पर्क मंचले
पठाएको नगद रु. ५ हजार रुपैया र भूमिकास्थान-३ धारापानी हाल अमेरिकामा रहनुभएका बिमल बन्जाडेले पठाएको ५ हजार रुपैयाँ गरि एकमुष्ट १० हजार रुपैया सहयोग रकम पीडित थापालाई हस्तान्तरण गर्नुभएको हो।
साे अवसरमा संयाेजक भुसालले सानो सहयोगले पनि पीडितलाई ठुलो राहत मिल्ने बताउदै सहयोग गर्ने धारापानी-रुपन्देही सम्पर्क मंच र बिमल बन्जाडेलाई धन्यवाद व्यक्त गरेको धारापानी-रुपन्देही सम्पर्क मंचका महासचिव सन्तोष बन्जाडेले जानकारी दिनुभएको छ।
अन्य समाचारहरु
