आषाढ़ ६ गते, २०८१ मा प्रकाशित
काठमाडौँ – स्वतन्त्र सांसद डा. अमरेश सिंहले कबाड व्यवसायीहरूलाई फोहोर लगेर काठमाडौं महानगरपालिकाको कार्यालय र मेयर बोलेन्द्र शाहको घरअगाडि थुपार्न भनेका छन् ।
प्रतिनिधिसभाको बुधबारको बैठकको विशेष समयमा बोल्दै सांसद सिंहले व्यवसायीले सो काम गरे आफ्ने समर्थन रहने बताए ।
‘कबाडीलाई भन्न चाहन्छु– सबै फोहोर महानगर र बालेन शाहको घरअगाडि लगेर थुपार्नुस्, त्यसमा हाम्रो समर्थन छ । उहाँले सिकाउनुभएको हो । ‘ट्रिट फर ट्याट’ हुन्छ । उहाँले सडक विभागअगाडि लगेर फोहोर थुपार्नुभएको हो,’ सिंहले भने ।
कबाडलाई नहटाउन अदालते अन्तरिम आदेश दिएको पनि उनले संसदमा बताए । रंगभेद र जातीय भेद कायम रहेको उनले बताए । एउटा वर्गले आन्दोलन गर्दा पानीको फोहोरा प्रहार गर्ने भए पनि मधेशका जनतालाई देख्नै नहुने किन भयो ? भन्ने प्रश्न सिंहको छ । उनले प्रदर्शनमा घाइतेहरूको निशुल्क उपचार हुनपर्ने बताए ।
मंगलबार कबाड व्यवसायीहरूले काठमाडौं महानगरको मुख्यालय घेराउ गर्दा मुठभेड भएको थियो ।
अन्य समाचारहरु
