लिबियाका नेता कर्णेल गद्दाफीका समर्थक र विरोधीबीच लिबियाका विभिन्न शहरमा भिषण लडाइ भैरहेको छ। लिवियाको पूर्व क्षेत्रमा गद्दाफी विरोधीहरुको पकड रहेको हुनाले सो क्षेत्रलाई कब्जा गर्न गद्दाफीका सैनिकहरु संघर्षरत छन्। यसैविच लिवियाको दोस्रो ठूलो शहर बेनघाँजीमा २ वटा विष्फोट भएको बताइएको छ। विष्फोटका कारण कम्तीमा १७ जनाको मृत्यु भएको बताइएको छ।
विष्फोट गद्दाफीका सेनाले गरेको हवाइ आक्रमणका क्रममा नभएको विश्वास गरिएको छ। प्रत्यक्षदर्शीले गद्दाफी समर्थक र विरोधीबीच भएको संघर्षमा ५० भन्दा बढीको मृत्यु भएको जनाएका छन्। लिवियामा गद्दाफीलाई सत्ताबाट हटाउन भएको प्रदर्शनले हिंसात्मक रुप लिएपछि हजारौ विदेशी कामदार एवं आप्रवाशी सिमा क्षेत्रमा अलपत्र परेका छन्।
फाल्गुन २३ गते, २०६७ मा प्रकाशित
