भाद्र १८ गते, २०८१ मा प्रकाशित
काठमाडौँ । काठमाडौँ महानगरपालिकाका मेयर बालेन शाहले आफ्नो स्टाटस हटाइएको भन्दै आपत्ति जनाएका छन् ।
मेयर शाहले फेसबुक पोस्ट हटाइएको भन्दै सरकारलाई चुनौति दिँदै आफू गलत भए समात्न समेत चेतावनी दिएका छन् ।
उनले फेसबुकमा लेखेका छन् –
पोस्ट उडाउने हैन, दोषी समाउ सरकार ।
म गलत हो भने मलाई समाउ, हैन भने दोषी समाउ ।
मेयर शाहले फेसबुक पेजमा नेकपा (एमाले)लुम्बिनी प्रदेश सांसद रेखा शर्माको फोटो सहितको स्ट्याटस राखेका थिए ।
एमाले सांसद शर्माले बालशोषण गरेको र उनलाई पक्राउ गर्नुपर्ने भन्दै बालेनले आइतबार स्ट्याटस राखेका थिए । जुन स्टाटस अहिले फेसबुकबाट हटेको छ । बालेनको सचिवालयले धेरै प्रयोगकर्ताले रिपोर्ट गरेपछि फेसबुकबाट उक्त पोस्ट हटेको बताएका थिए ।
अन्य समाचारहरु
