काठमाडौँ – भारतको राजधानी नयाँ दिल्लीमा एक २५ वर्षकी नेपाली युवती झुण्डिएको अवस्थामा फेला परेकी छन्। प्रहरीले उनले आत्महत्या गरेको बताए पनि ‘सुसाइड नोट’ भने फेला परेको छैन।
आइएएनएस समाचार एजेन्सीले जनाए अनुसार उत्तरी दिल्लीको आनन्द पर्वतस्थित बाबर फरिदपुर क्षेत्रमा घटना भएको प्रहरीले बताएको छ।
बिन्दु नाम गरेकी ती महिला बिहीबार सिलिङ फ्यानमा झुण्डिएको अवस्थामा फेला परेकी थिइन्।
बिन्दु आफ्ना साथी दीपक, उनकी पत्नी र बच्चाहरुसित विगत तीन महिनादेखि बसिरहेको र बिन्दु र दीपकको झगडा नै उनको मृत्युको कारण हुनसक्ने प्रहरी अधिकारीलाई उद्धृत गर्दै सो समाचार एजेन्सीले जनाएको छ।
चैत्र ४ गते, २०६७ मा प्रकाशित
