कार्तिक १४ गते, २०८१ मा प्रकाशित
-टेकराज भुसाल, अर्घाखाँची।
अर्घाखाँची। अर्घाखाँचीकाे भूमिकास्थान नगरपालिकाद्वारा आयाेजित प्रथम नगरस्तरिय मेयर कप भलिबलकाे उपाधी भूमिकास्थान-५ असुरकाेटले चुमेकाे छ।
चिदिचाैर खेल मैदानमा बुधबार सम्पन्न भएको प्रथम मेयर कप भलिबल प्रतियोगिता २०८१ को उपाधि भूमिकास्थान-५ ले चुमेकाे हो। भूमिकास्थान-२ ढाकावाङ्गलाई हराउदै भूमिकास्थान-५ ले उपाधी कब्जा गर्दै नगद रु. ५० हजार रुपैयाँ नगद सहित शिल्ड, मेडल र प्रमाणपत्र सहितको पुरस्कार पाएकाे छ।
त्यसैगरी दाेस्राे स्थानमा चित्त बुझाएको भूमिकास्थान-२ ढाकावाङ्गले नगद रु. ४० हजार नगद सहित शिल्ड, मेडल र प्रमाणपत्र सहितको पुरस्कार पाएकाे छ भने तृतीय स्थान भएको भूमिकास्थान-१० धन्चाैरले नगद रु. ३० हजार शिल्ड, मेडल र प्रमाणपत्र पाएकाे छ।
विजेता टिमलाई नगरप्रमुख झविलाल थापा, पूर्व नगरप्रमुख रेशम थापा, नगरउपप्रमुख बालाकृष्ण बन्जाडेले पुरस्कृत गर्नुभएको हो।
मंगलबारदेखि शुरु भएको प्रतियोगितामा भूमिकास्थान नगरपालिकाका १० वटा वडाबाट १० टिमकाे सहभागीता रहेको थियाे।
अन्य समाचारहरु
